Вести › Набрзинка

УСГС: Десетици илјади жртви од земјотресот во Мјанмар?

28 март 2025
  • Можно е да има десетици илјади загинати од катастрофалниот земјотрес што денеска го погоди Мјанмар, а предизвика и жртви во соседен Тајланд, проценува американската геолошка служба УСГС.
  • Воената хунта во Мјанмар, која строго ги контролира информациите, не соопшти ни приближен биланс на загинати и повредени, иако има многу вести и снимки за урнати згради.
  • Во Бангкок, оддалечен повеќе од 1.000 километри од епицентарот, тројца градежници загинале и се трага по 80 затрупани при уривањето на кула во изградба.
  • Најтешко е погоден Мандалеј, град со 1,2 милион жители близу до епицентарот на потресот со магнитуда од 7,7 Рихтерови степени. По најсилниот удар, имало и уште еден од 6,4 Рихтери.
  • Во Мјанмар повеќе од 3 милиони луѓе веќе беа раселени од домовите по воениот удар во 2021 година. Организацијата Амнести интернешнел тврди дека итно им е потребна хуманитарна помош на една третина од населението.
извор

Еднаквост: Во 27 земји 0,1% e повеќе од 80%

3 октомври 2026
  • Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
  • Јазот е најдлабок во Русија, а најмалку е изразен во Словачка.
  • Македонија според оваа класификација е меѓу земјите со порамномерна распределба на богатството.
  • Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
извор

„Лукоил“ ќе заврши кај партнери на Кушнер и Виткоф

3 октомври 2026
  • Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
  • Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
  • Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
  • Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
  •  На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
извор

Штета ако сте пропуштиле

Како функционира Еврогрупата?

ТВ дефиниција за општонародна среќа

Како тоа мислиш светов има полудено?

Тамо и тамо