Вести › Набрзинка

Украински дронови уништија десетици руски бомбардери

1 јуни 2025

Украински дронови лансирани од камиони од руска територија, уништиле повеќе од 40 руски авиони, вклучувајќи и стратегиски бомбардери во четири воздухопловни бази оддалечени и по неколку илјади километри.

🚨 Ukraine hits Russia 4,200 km deep with suicide drones!
🔥 Tu-95 bombers burning at Belaya Airbase, which hosts nuke-capable weapons.
Biggest long-range strike of the war.#Ukraine #Russia #DroneStrike #Belaya #Tu95 #Breaking pic.twitter.com/CgDl9aXAMQ
— Aman Dev Barman (@AmanDevBar67676) June 1, 2025

Нападот бил извршен во базите Белаја во Иркутск, Дјагилево во Рјазан, Иваново и Оленја во Мурманск. Уништени се стратегиски бомбардери Ту-95 и Ту-22, од кои обично се лансираат крстосувачки проектили врз Украина, но кои може да носат и нуклеарни проектили.
Стратегиската воздухопловна флота на Русија е десеткувана. Штетата се проценува на најмалку 2 милијарди долари.
Украинската воено-разузнавачка агенција СБУ ја планирала операцијата 18 месеци. Руски државјани ги возеле камионите до предвидените локации без да знаат што пренесуваат. Покривот на контејнерот автоматски бил отфрлен и дроновите тргнале кон програмираните цели.

Irkutsk, Russia: Ukrainian FPV drones launched from a truck, attempts made to shoot them down with small arms. pic.twitter.com/c3os53Oo09
— Clash Report (@clashreport) June 1, 2025

Целата операција била управувана од далечина. Кога одлетале сите дронови, во контејнерите бил активиран експлозив за самоуништување.

Playing with fire: Ukrainian FPV drone truck explodes in Amur, Russia. pic.twitter.com/T7RcPBklSX
— Clash Report (@clashreport) June 1, 2025

извор

Ни во вселената не се наоѓа добар водоводџија

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

извор

Велешани некогаш даваа гемиџии, денес немаат јајца

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.