Вести › Набрзинка

Украинците удрија врз мостот до Крим

3 јуни 2025

Украинската служба за безбедност СБУ објави дека со експлозив активиран под вода извршила напад врз Керчкиот мост што ја спојува Русија со Крим.
Рано изутрината биле детонирани 1.100 килограми експлозив до носечки столб на мостот, опишан како легитимна цел, бидејќи Русија преку него префрла трупи, оружје и опрема за воените операции во Украина. При нападот немало жртви.
„Го нападнавме мостот до Крим во 2022 и во 2023 година. Денес ја продолживме оваа традиција од под вода“, објави СБУ. Не даде детали за операцијата, но истакна дека била планирана со месеци.

BREAKING: Kerch bridge pic.twitter.com/7unanrrzQU
— Pekka Kallioniemi (@P_Kallioniemi) June 3, 2025

Надлежната руска служба објави дека мостот бил затворен за сообраќај во периодот од 4 до 7 часот, но и дека потоа бил отворен и функционира нормално. Руски воени блогери објавија дека нападот бил извршен со подводни дронови и дека не бил успешен.

Украинската СБУ пред два дена ја спроведе операцијата „Пајажина“, која се опишува како „Рускиот Перл Харбор“. Со дронови од камиони длабоко на територијата на Русија биле погодени 40 авиони во четири воздухопловни бази, при што биле уништени 13 стратегиски бомбардери и други летала. Операцијата била планирана 18 месеци.

извор

Кочански ужас во Кран-Монтана

1 јануари 2026

Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
Италијанското министерство за надворешни работи излезе со бројка од 40 загинати, но таа не е конечна.
Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.

извор

Сокол на двете страни на Шутка

31 декември 2025

Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.

извор