Вести › Набрзинка

Украина сака да ѝ продава струја на Германија

3 септември 2022

Украина сака да ја поддржи Германија во нејзините напори да стави крај на зависноста на енергија од Русија па се понуди да продава струја.
Имаме доволно енергија благодарејќи на нашите нуклеарни централи, порача украинскиот премиер Денис Шмигал.
Украина во март ја синхронизираше својата електроенергетска мрежа со европската и оттогаш извезува меѓу 400 и 700 мегавати дневно во ЕУ и Молдавија.

извор

Трубарево: Луѓето во непосредна близина на пожарот да ги напуштат домовите

14 септември 2025

„Пожарот во Трубарево е локализиран, нема опасност за негово проширување, но уште е активен. За да се елиминира опасноста од загаденоста на воздухот на жителите што се најблиску до жариштето им се препорачува да ги напуштат домовите и им се ставени на располагање сместувачките капацитети во Центарот за обука во Идризово“, рече на прес-конференција министерот за внатрешни работи Панче Тошковски по седницата на Управувачкиот комитет за справување со кризи.
Тој соопшти дека Дирекцијата за радијациска сигурност утврдила дека нема радијациско зрачење, додека АБХО единицата на Министерството за одбрана констатирала дека во непосредна близина има висока концентрација на штетни супстанци на 150 метри од жариштето.
„На 200 метри загаденоста е ниска, а над 400 метри не е констатирана висока загаденост“, рече Тошковски.
Господ не може да ме убеди дека четири пожари на депонии за три дена се случајност, рекол министерот.

извор

Гори во Трубарево

13 септември 2025

Висок столб од густ црн чад се крева источно од Скопје е пожар во фирмата „Нулта отпад“ во селото Трубарево, изјави директорот на Дирекцијата за заштита и спасување Стојанче Ангелов.
„Преку бројот за итни повици Е-112 е добиена пријава за голем пожар во Општина Гази Баба, поточно во село Трубарево, каде што гори фабрика за пластични работи. Екипи од противпожарната бригада на Град Скопје се на веќе интервенираат за гаснење на пожарот“, изјави директорот на Центарот за управување со кризи, Мухамед Али.
„Има голем пожар во Трубарево, зафатени се отпадни материи, се гасне со повеќе екипи“ изјави Звонко Томевски, командир на Бригадата за противпожарна заштита на град Скопје.
Бригадата претходно интервенирала и во гаснење на пожар во стара Цементара во Горно Лисиче.