- Генералот Михаил Гудков, втор човек на руската Воена морнарица, загинал при укеаински напад кај Курск, објави Министерството за одбрана. Тој е еден од највисоките руски офицери што загина во војната со Украина.
- Неофицијално Гудков (42) бил убиен при украински напад со проектил од американскиот систем ХИМАРС врз командна позиција во пограничниот регион Курск, на територијата на Русија.
- Генералот командуваше со крајбрежните трупи, вклучувајќи и и единици на маринци. Пред да биде унапреден во заменик-командант на Морнарицата, тој командуваше бригада Маринци од Пацифичката флота, ангажирана на фронтот во Украина, а потоа и во Курск.
- Хрватска и Босна се меѓу 25-те земји кои престанаа со испраќање стока во САД поради неизвесност откако администрацијата на Трамп го укина третманот „de minimis“.
- Тој третман дозволуваше пратки во вредност до 800 долари да се испраќаат со минимална документација.
- Меѓу земјите се Австралија, Норвешка, Швајцарија, како и германски ДХЛ кој објави привремено суспендирање на повеќето испораки до Америка.
- Слободни ќе бидат само пратки што содржат писмени комуникации и „подароци“ испратени од приватни лица до приватни лица, до вкупна вредност од 100 долари.
- Европска комисија предложи укинување на царините за увоз на американска индустриска стока во замена за намалени американски царини за европски автомобили.
- Ова е првиот чекор на ЕУ во спроведувањето на рамковниот договор помеѓу Доналд Трамп и Урсула фон дер Лајен, со кој Брисел прифати општа царинска стапка од 15% за да избегне трговска војна.
- Станува збор за асиметричен договор, зашто од Брисел се бара да ги намали своите царини и да купува повеќе енергеси од САД, додека Вашингтон ги задржува царините за 70% од извозот на ЕУ.
- Повеќето влади на ЕУ го прифатија договорот како нужно зло, имајќи предвид дека Трамп претходно се закануваше со 30%.
