Вести › Набрзинка

Уапсен е оној кој потпишал дека „Пулс“ ги исполнува сите услови за лиценца

18 март 2025

Уапсено е лицето кое издало и потпишало проект дека дискотеката „Пулс“ во Кочани, каде во пожар на 16 март загинаа 59 лица, ги исполнува сите потребни услови за да добие лиценца за работ.
Се товари за тешки дела против општата сигурност во врска со предизвукување општа опасност.
„Незаконито, паушално, без утврдување на фактичка состојба биле изготвувани круцијални документи кои биле предуслов во понатамошната постапка за ставање во функција на предметното кабаре. Во дел на таа документација која е потпишана од уапсеното лице постои тврдење дека станува збор за објект кој ги исполнува сите услови по закон за да биде кабаре, а сите знаете дека не исполнува ниту 20 отсто, а камоли сите“, рече министерот Тошковски.
360 степени објавија список на ноќни клубови кои имаат лиценца.

18 март 2025

Група граѓани на Кочани, од плоштадот се префрлија пред Судот, барајќи слобода за приведените членови на обезбедувањето на дискотеката „Пулс“.
Бараат ослободување на, Како што велат, хероите кои спасувале деца од пожарот кој ја зафати дискотеката „Пулс“ во која 59 лица го загубија животот.
Станува збор за фирма за обезбедување која правела патрола врз повеќе угостителски објекти низ Кочани, а при пожарот во дискотеката „Пулс“ поминувале на редовна патрола, па почнале да им помагаат на жртвите кога забележале дека гори дискотеката.

18 март 2025

Бундастагот ги изгласа измените на германскиот устав за да дозволи подигнување на должничката кочница и буџетско задолжување за одбрана.
Се основа и фонд од 500 милијарди евра за инвестиции во наредните 12 години.
Токму за нивото на задолженост падна владата на Олаф Шолц заради што беа одржани предвремени избори. Се работи за голем пресврт во германската политика која со децении беше претпазлива кон инфлацијата и против претерано вооружување.
„Русија не води војна само во Украина“, рече пред гласањето канцеларот Мерц. „Тоа е војна и против нашата зема која се одвива секојдневно со напади на нашите податоци и мрежи, уништување на инфраструктурата, палења и нарачани убиства во срцето на нашата земја“.