Вести › Набрзинка

Трамп скрои тарифи по мерка: 20% за ЕУ, 34% за Кина

2 април 2025

Почнува златна ера за Америка, објави претседателот Доналд Трамп претставувајќи ги делумно реципрочните царини за производи од целиот свет.
Тарифите се посебно скроени за секоја земја, вообичаено со двојно пониска стапка од царините за увоз на американски производи, но не и пониски од 10%:
20% за стоки увезени од Европската Унија,
10% за производи од Британија и Бразил,
34% за Кина, 24% за Јапонија, 32% за Тајван.
„Целиот свет, и пријатели и непријатели нè искористуваа, се богатеа на наша сметка. Не повеќе. Ќе ја направиме Америка повторно богата“, изјави Трамп.
Тарифите особено ќе ги погодат големите извозници на автомобили во САД (Јапонија, Јужна Кореја и Германија), и на чипови (Тајван).
Европската Унија и други традиционални сојузници на САД најавија дека ќе возвратат на царините.

3 април 2025

За помалку од 24 часа, хрватскиот контроверзен музичар Марко Петровиќ Томсон продал 281.774 влезници и со тоа го сруши рекордот на Васко Роси кој во 2017-ма година продаде 225.172 карти за концертот во Модена.
Сега се пушта втора транша билети за концерот на загребски Хиподром, закажан за 5-ти јули. Ограничување од 20 е спуштено на максимум15 влезници по трансакција. Влезниците се 30 евра за партер и 50 евра за фанпит.
За рекордот на Томсон пишуваат NME, Far Out, IQ, Еуроњуз и други светски медиуми.
Рекордот на Хиподром го држат Ролинг Стонс кои на турнејата "Bridges To Babylon“ во 1998-ма собраа 80.000 луѓе. За концертот на Томпсон се предвидува дека може да дојдат и 450.000 души.

3 април 2025

Откако се смени сопственичката структура на довчерашната компанија на Шолак, СББ, корисниците и натаму ќе можат да гледаат Н1 и Нова, ама ќе треба да минат преку Курир и Информер.
ТВ Нова сега е на позиција број 8 а Н1 на 10-ка. Меѓу нив на 9-ка е ставен Курир а на 11 место е Информер.
Редоследот на каналите драматично е изменет на Тотал ТВ. Таму Н1 и ТВ Нова сега се дури на 278 и 279 место. А за дијаспора ги нема.