Вести › Набрзинка

Трамп ќе разговара со Зеленски и Путин само за конечен договор

26 ноември 2025

Трамп го испраќа емисарот Стив Виткоф идната недела во Москва, а армискиот секретар Ден Дрискол во Киев за да ги разработат последните отворени точки од мировниот план за крај на војната во Украина.
„Во изминатата недела мојот тим направи огромен напредок за да заврши војната помеѓу Русија и Украина. Оригиналниот план се доработува со забелешки од двете страни и преостануваат само неколку точки на несогласување. Се надевам дека ќе се сретнам со претседателот Зеленски и со претседателот Путин наскоро, но само кога договорот за крај на оваа војна ќе биде конечен или во завршна фаза“, изјави Трамп.

Трамп го опиша оригиналниот американски предлог од 28 точки како „концепт“, а не како план. По американско-украинските разговори во Женева, новата верзија на документот е скратена на 19 точки.
Зеленски изрази надеж дека ќе се сретне со Трамп во Мар-а-Лаго на Денот на благодарноста, но по изјавата на Трамп тоа е малку веројатно. Зеленски инсистира во преговорите да бидат вклучени и европските сојузници на Киев, кои не отстапуваат од намерата да испратат мировни сили во Украина за да го гарантираат примирјето. Тоа Москва категорично го отфрла.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.