Вести › Набрзинка

Трамп ја прогласи марихуаната за „помалку опасна дрога“

24 април 2026

Министерството за правда на САД ги олабави ограничувањата за некои производи од марихуана и ја класифицира дрогата како помалку опасна, што е една од најголемите промени во политиката за дрога на САД во изминатите децении.
Овој потег не ја легализира марихуаната на федерално ниво на САД, но се очекува да ја преобликува индустријата што достигна вредност од 47 милијарди долари. Разлабавува бариери на федерално ниво, иако марихуаната веќе е легализирана за медицинска употреба во речиси сите сојузни држави (освен во Ајдахо и Канзас), а во 24 е дозволена и за рекреативна употреба.
Производите од канабис регулирани од државата сега се префрлени од групата лекови „што предизвикуваат висока зависност“, како хероинот, во помалку рестриктивна категорија „со низок до умерен потенцијал за злоупотреба“, како вообичаените лекови против болки, кетамин и стероиди. Компании истражуваат фармацевтска употреба на марихуана за справување со болка, симптоми на рак, анксиозност и други нарушувања.
„Оваа мерка овозможува истражување за безбедноста и ефикасноста на оваа супстанца, со што пациентите ќе добијат подобра грижа, а лекарите посигурни информации“, соопшти државниот обвинител Тод Бланш.
Марихуаната е најшироко користената нелегална дрога во САД и во светот. Речиси еден од пет жители на САД ја користи годишно, според Центрите за контрола и превенција на болести. Милиони Американци се уапсени за поседување на дрога. Новата одлука нема влијание врз казните.

извор

Трет смртен случај од западнонилска треска, шестмина се во критична состојба

17 август 2026

Викендот починал пациент со западнонилска треска, со што вкупната бројка на смртни случаи во земјава се искачи на 3. Станува збор за 61-годишен пациент кој имал придружни сериозни заболувања и е од едно од погодените места.
Лабораториски се потврдени 35 случаи со вирусот, а уште тројца суспектни се во процес на дијагностицирање.
Овие шестмина кои се во критична состојба и се лекуваат во Одделот за интензивна нега се на возраст над 60, најмладиот пациент кој е хоспитализиран е 25-годишен, но е во стабилна здравствена состојба.
„Инкубацијата на вирусот е 3 до 14 дена. Сите пациенти се со епидемиолошка анкета и се лоцира дали патувале во странство, дали патувале надвор од местото на живеење внатре во земјата, и каде се движеле. Има луѓе со урбани адреси, но имале и викендичка, и најверојатно во тој период престојувале на овие места, така што во основа сите мерки се насочуваат таму каде што е најверојатното место на заразување. Една од мерките е лична заштита од убоди од комарци, и отстранување на застоена вода во дворови или непосредна околина. Општините каде што е прогласена епидемија сите ќе добијат и СМС пораки со насоки за постапување изработени од Институтот за јавно здравје кои веќе се комуницираат“, кажал министерот Клековски.
За луѓето не постои вакцина, за коњите има (Википедија).