- Администрацијата на Доналд Трамп планира да им го укине привремениот легален статус на 240.000 Украинци, кои побегнаа во САД откако почна војната во нивната земја.
- Наредбата ќе овозможи депортирање по забрзана постапка на Украинците што беа прифатени во САД преку програми за хуманитарен азил од администрацијата на Џо Бајден.
- Со одземање на легалниот статус до крајот на март се соочени уште 530.000 мигранти од Куба, Хаити, Никарагва и Венецуела, како и 70.000 Авганистанци што побегнаа пред талибанците да се вратат на власт.
- Околу 1 милион имигранти што нелегално влегуваат во САД се во категоријата за итна депортација во рок од две години.
- Тоше Поп Симонов, еден од најважните луѓе на македонската музика, замина на 63 годишна возраст.
- Тоше Поп Симонов беше музичар, композитор, инструменталист, продуцент, аранжер, текстописец... ренесансно комплетен лик во музиката.
- Тоше Поп Симонов беше умен, писмен, начитан, мудар, добар, правичен, бескомпромисен во своите естетски и етички ставови и пресуди... ЗЕН мајстор во занаетот и живеењето.
- Тоше Поп Симонов беше другар, пријател, ведар, урнебесно забавен, брилијантен раскажувач, драгоцен соговорник во секаков вид дружење.
- Ќе ни фали многу. Многу.
- Три лица загинаа, а осум се повредени во сообраќајната несреќа синоќа на патниот правец Кичево-Гостивар.
- Несреќата се случила во 20.55 часот близу местото Сеферов Бунар меѓу Кичево и селото Трапчин Дол. Се судриле три возила.
- Според првичните информации три лица починале од повредите, а осум лица се повредени. Дел од нив се пренесуваат во болницата во Кичево, дел во Клинички центар Мајка Тереза во Скопје, изјави портпаролот на СВР Охрид, Стефан Димоски.
