- „Жителите на Техеран наскоро скапо ќе платат за иранските напади на цивилни цели“, изјави израелскиот министер за одбрана, Израел Кац по нападот со балистички ракети кој Иран го изведе пред зори.
- Извештаи велат дека поголемиот дел ракети Израел успева да ги неутрализира но Железната купола не е семоќна па ракети имаат паднато во густо населениот Тел Авив. За четири дена Техеран пуштил 370 балистички ракети и стотици дронови.
- Иранската револуционерна гарда соопшти дека во последниот напад користеле нов метод со кој ги измамиле израелските повеќеслојни одбранбени системи. „Ги натеравме сами на себе да пукаат.“
- Во Ирак и другите земји се гледа како ракети паѓаат на Тел Авив како да е Светски куп во фудбал.
- Министерството за правда на САД објави десетици илјади документи од дебелото досие за Џефри Епстин. Јавноста очекуваше дека ќе види докази за врски на претседателот Доналд Трамп со синџирот за елитна проституција, но тој е спомнат само неколку пати, во неутрален контекст.
- Ама, во објавените материјали има повеќе од 20 фотографии за поранешниот претседател Бил Клинтон - прикажан во џакузи, покрај девојки или како плива заедно со Гислен Максвел, партнерката на Епстин.
- Во обемната библиотека што може да се пребара тука, има и фотографии од британскиот принц Ендрју и од естрадни ѕвезди како Мајкл Џексон, Дајана Рос и Мик Џегер во друштво со Епстин. Нема објаснувања кога биле направени фотографиите и во каков контекст.
- Во документите се зацрнети имиња на повеќе од 1.200 девојки и други лица што се сметаат за жртви во синџирот за проституција. Во едно досие се зацрнети повеќе од 100 страници.
- Во архивите на Министерството има уште илјадници документи за Епстин, кои ќе бидат објавувани во фази, откако ќе бидат заштитени идентитетите на потенцијалните жртви.
- Американски авиони и хеликоптери вчера извршиле воздушни напади врз 70 цели на групата ИСИС во Сирија како одмазда за убиството на двајца американски војници и нивниот преведувач пред една недела близу Палмира.
- „Ова не е почеток на војна, туку одмазда. Под водство на претседателот Трамп, САД никогаш нема да се колебаат за одбрана на нашиот народ“, порача шефот на Пентагон, Пит Хегсет.
- Ова е прва голема интервенција на САД по затоплувањето на односите со привремениот сириски претседател Ахмад ал Шара, поранешен лидер на терористичка група по кого беше распишана американска потерница со награда од 10 милиони долари.
- Трамп синоќа ја повтори поддршката за Ал Шара и за сириските владини трупи, за кои оцени дека се „на страната на САД“ во борбата против тероризмот.
