Вести › Набрзинка

Таравари: Шестмина пациенти се во многу критична состојба

22 март 2025

Шестмина од пациентите што се на лекување во странство се во многу критична состојба - двајца во Љубљана и четири пациенти во Воено-медицинската академија во Белград, изјави министерот за здравство Арбен Таравари.
„Петмина од вкупно 115 пациенти што сега се лекуваат во странство идната недела ќе се вратат во земјава“, додаде Таравари. „Ќе бидат прифатени прво во трите болници во Скопје и по тријажата ќе биде утврдено дали ќе бидат задржани или веднаш ќе бидат пуштени на домашно лекување“.
Тој додаде дека од Италија се планира еден испис, од Шпанија се планираат два, од Шведска еден и од Австрија два исписи. „Според информациите кои што ги добиваме од овие болници, пациентите дури можат да се вратат со комерцијални летови“, рече Таравари.
Пациентите во Македонија генерално се лекуваат од изгореници, некои од скршеници за кои бил потребен оперативен зафат, но и од изгореници на слузокожата на дишните патишта и токсичност, додаде министерот.

извор

Питер Тил се мисли поголем милијардер од Папата

5 јули 2026

Милијардерот и технолошки магнат Питер Тил го обвини папата Лав XIV дека делува како „кинески комунистички агент“ застапувајќи се за регулирање на вештачката интелигенција во неговата серија предупредувања и предвидувања за иднината на вештачката интелигенција и западната цивилизација.
Ко-основачот на Пејпал и Палантир предупреди и на опасност од „социјалистички преврат“ во Демократската партија на САД.
Питер Тил беше еден од првите кои го поддржуваа Доналд Трамп а беше и ментор на кариерата на ЏејДи Венс.
Смета дека со тоа што бара меѓународна регулација на вештачката интелигенција, Папата се става во служба на кинеските интереси.
Во есеј од 2009 година, Тил напиша дека слободата и демократијата не се компатибилни а дека женското право на глас ја направило „капиталистичката демократија“ оксиморон. Ја финансираше кампањата на Халк Хоган против Гавкер (по која медиумот банкротираше) зашто го пишуваа дека е геј.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор