Вести › Набрзинка

Тајланд и Камбоџа почнаа војна

24 јули 2025

Стогодишен спор за храм во пограничен регион прерасна во жестока воена пресметка помеѓу Тајланд и Камбоџа.
Тајланд испрати авиони да бомбардираат цели во Камбоџа и ги затвори сите гранични премини со југоисточниот сосед. Артилеријата на Камбоџа гранатираше населени места во Тајланд, вклучувајќи и болница, при што загинаа најмалку девет цивили. Оружени пресметки имало на шест локации.
И двете земји тврдат дека дејствуваат во самоодбрана. Итно ги повлекоа своите највисоки дипломати од амбасадите и спроведуваат евакуација на населението од пограничните региони.
Во центарот на спорот е Та Моан Том, кмерски храм од 11 век, кој заврши во Тајланд кога по француската окупација на Камбоџа беше дефинирана границата од 817 километри. Откако во мај во судир околу храмот загина еден камбоџански војник, двете земји воведоа погранични рестрикции и трговски забрани.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор