Вести › Набрзинка

Србија ќе го прогласи 18-ти март за ден на жалост поради трагедијата во Кочани, помош понудија и Грција и Бугарија

16 март 2025

Владата на Србија на својата утрешна седница ќе го прогласи 18 март за ден на жалост во целата земја поради трагедијата во Кочани, во која во пожар загинаа најмалку 59 лица.
Србија, Бугарија и Грција понудиле да испратат медицинска и друга помош во Македонија.
Директорот на Центарот за управување со кризи Стојанче Ангелов кажа дека во овој момент има доволно крв и нема потреба од дополнителни крводарителски акции за повредените во страотната несреќа во Кочани.
Сочувство изразија државници од други земји како и директорот на Светската здравствена организација за Европа, Ханс Клуге.

16 март 2025

Потписник на фалсификуваната лиценца за дискотеката е тогашната државна секретарка во Министерството за економија, Размена Чекиќ Дуровиќ.
„Прашањето е како оваа лиценца од 2014 година добила дозвола, како се пренесувала од едно на друго име, па на крај била фалсификувана и препокриена со друга. Ова е системски проблем, системски грешки и истрагата ќе го покаже тоа,“ изјави премиерот.
„Доколку мислите дека ова е единствен случај, се лажете. Вакви има стотици, ако не и илјадници. Ова е потврда дека многумина уживаат во корумпираниот систем што мора да го поразиме,“ нагласи Мицкоски.
Чекиќ Дуровиќ е приведена. На распит во полиција повикан е тогашниот министер за економија, Крешник Бектеши.

16 март 2025

„Не смее одговорните да ги избегнат правото, правдата и казната“, изјави претседателката на државата.
Порачувајќи дека не е време за делби и конфронтации таа апелираше да не ја сквернавиме невината жртва на загинатите туку да ги здружиме силите околу преживеаните.
„Никогаш повеќе да не ги жртвуваме стандардите и сигурноста на нашите граѓани. Ништо не е повредно од човекиот живот. Животите на млади луѓе згаснаа поради манипулација, импровизација и самоволие“, изјави Гордана Силјановска-Давкова.