Кинескиот претседател Си Џинпинг и рускиот Владимир Путин објавија дека нивните земји треба да бидат „челични пријатели“, да ја засилат соработката и решително да се спротивстават на влијанието на САД.
Во долго соопштение по средбата во Кремљ, Си и Путин најавија продлабочување на односите во сите сфери, вклучувајќи ги и воените.
Си утре ќе биде меѓу државниците што од почесната ложа на Црвениот плоштад ќе ја следат воената парада по повод Денот на победата над фашизмот.
Спроти парадата Путин прогласи тридневно примирје во војната во Украина. Киев не го прифати примирјето, но денеска немало напади со дронови врз Москва, како во претходните три дена.
Доналд Трамп: „Какво возбудување и каква голема чест за нашата земја. Се надевам на средба со папата Лав 14. Тоа ќе биде многу значаен момент“.
Владимир Путин: „Убеден сум дека конструктивниот дијалог и соработка помеѓу Русија и Ватикан ќе продолжи да се развива врз основа на христијанските вредности што нè обединуваат“.
Џорџа Мелони: „Италијанците ќе ве гледаат како водач и референтна точка, препознавајќи духовен и морален авторитет што произлегува од неисцрпната порака за љубов, милосрдие и надеж“.
Емануел Макрон: „Историски момент за Католичката црква и за нејзините милиони верници. Испраќам братска порака до папата Лав и до сите католици во Франција и ширум светот“.
Фридрих Мерц: „Преку вашата канцеларија, нудите надеж и водство за милиони верници низ светот во овие времиња на големи предизвици. За многу луѓе вие сте зрак на правдата и помирувањето“.
