Мајк Џаџ откри дека работи на нов филм со Бивис и Батхед, протагонистите на популарниот анимиран музички видое/ ситком кој одеше на MTV од 1993 до 1997 (и кратко во 2011).
Авторот понуди илустрација со објаснување дека ќе треба време двајцата да се вратат во форма.
Ако пробаат да ги канселираат, значи, во форма се.
Во првата порака до јавноста откако беше избран за нов врховен лидер, Моџтаба Хамнеи се закани дека Иран ќе ги напаѓа базите на САД на Блискиот Исток, ќе ја одмазди крвта на жртвите на американско-иранските напади врз неговата земја, особено на девојчињата што беа убиени во училиштето во Минаб, и ќе го блокира бродскиот транспорт низ Ормускиот теснец.
„Иран ќе добие отштета од непријателот. Ако тој одбива, ќе присвои добра со иста вредност, а ако тоа не е возможно, ќе уништи добра во иста вредност“, порача Моџтаба Хамнеи.
Блокадата на Ормускиот Проток ќе ја користи како притисок врз непријателот.
На соседите на Иран им порача дека Техеран ги смета за пријатели и дека ги напаѓа само американските бази на нивна територија.
Неговата порака ја прочита презентерка на државната телевизија. Тој не се појавил во јавноста откако беше избран за нов врховен лидер на 8 март. Иранските власти потврдија дека Моџтаба бил полесно ранет при нападот на 28 февруари во кој беа убиени неговиот татко – врховниот лидер и ајатолах Али Хамнеи, мајката, сопругата и еден син.
