Вести › Набрзинка

Се гаси „Портата кон пеколот“ во Туркменистан, се отвори друга во Венецуела

24 јули 2026

По 54-години горење, се гаси „вечниот“ оган од кратерот Дарваза во Туркменистан, кој со времето стана туристичка атракција позната како „Порта кон пеколот“. Интензитетот на огнот за три години се намалил за 75% откако беа ископани нови бунари за да ги ослободат резервите на метан.
Огнот во 1971 година го запалиле советски инженери за да затворат неупотреблив извор на гас од пештера, но не процениле колку се големи резервите.
Додека се гаси огнот во Туркменистан, се отвори нова на другиот крај на светот - во Венецуела. Селани од местото Мачадо побарале помош откако од пукнатини во земјата се појавил оган.
Геолози и експерти од Цивилната заштита утврдиле дека се запалиле резерви на јаглен кои поради лизгање на земјиштето дошле во контакт со кислород. Се утврдува длабочината и површината на јаглената жила за да се направи стратегија како да се изгасне огнот.
„Нема потреба од тревога меѓу населението. Ова е целосно сув предел, без вегетација што би овозможила ширење на површински пожар“, објасни Канал Јеснардо, директор за цивилна заштита во регионот Тачира.

извор

Пронајден мртов директорот на Алсат

13 август 2026

Директорот на телевизијата „Алсат-М“, Лирим Хајредини, утрово е пронајден мртов во близина на трговскиот центар „Мавровка“.
Местото го обезбедува полиција, а телото ќе биде предадено на обдукција за да се утврдат околностите и причината за смртта.
Хајредини беше долгогодишен професионалец во медиумскиот сектор. Повеќе од 16 години ја извршуваше функцијата оперативен директор во „Алсат“ a во текот на својата кариера бил активен и во области поврзани со менаџментот, маркетингот, деловните стратегии и телевизиската продукција.
Некои медиуми шпекулираат дека се работи за самоубиство.
Се огласи и МВР, на телото имало повреди,

извор

САД нема повеќе да финансираат промена на пол за малолетници

13 август 2026

Федералната влада на САД укинува средства од програмата „Медикејд“ за покривање на трошоците за операции за промена на полот и хормонска терапија за малолетници, објави претседателот Доналд Трамп.
Ова опфаќа блокатори на пубертетот, хормони за промена на полот и хируршки зафати.
Правилото стапува на сила на 13 октомври. Федералното финансирање останува достапно во преоден период од шест месеци за децата кои веќе се на хормонска терапија.
Сојузните државите сè уште ќе можат да ги користат своите средства за вакви третмани.
Министерот за здравство Роберт Кенеди Јуниор во декември предупреди дека „процедурите за отфрлање на полот кај деца и адолесценти не се ниту безбедни ниту ефикасни како метод на лекување за родова дисфорија, родова несовпаѓање или други поврзани нарушувања кај малолетници.“
Министерството истакна ризици за неплодност и губење на густината на коските и препорача психотерапија како алтернативен третман.

извор