- Канцеларијата на Белата куќа за буџет бара да престане американското финансирање на мировни мисии на Обединетите нации, оценувајќи ги како неуспешни.
- САД издвојуваат 27% од буџетот на ОН за мировни мисии во износ од 5,6 милијарди долари.
- ОН издвојуваат средства за девет мировни мисии во светот - за Косово, Кипар, Голанската Висорамнина, за Мали, Либан, ДР Конго, Јужен Судан, Западна Сахара и за регион помеѓу Јужен Судан и Судан.
- САД за оваа фискална година веќе им должат на ОН 1,5 милијарда долари за редовниот буџет и 1,2 милијарда за мировните мисии.
- Најголемиот британски производител на лекови АстраЗенека“ ќе инвестира 15 милијарди долари во Кина до 2030 година, само неколку месеци откако се откажа од плановите за проширување на производството во Британија.
- Финансирањето ќе биде наменето за револуционерни третмани како што се клеточна терапија и радиоконјугати, како и за понапредна радиотерапија која специфично таргетира клетки на рак. Ќе ги прошири своите погони кои произведуваат лекови за Кина и 70 други земји и ќе ја зголеми работната сила од 17.000 на над 20.000.
- Компанијата од Кембриџ лани најави изградба на истражувачки центар во Пекинг, кој ќе чини 2,5 милијарди долари. Истражувачките центри на АстраЗенека соработуваат со повеќе од 500 кинески болници и воделе многу глобални клинички испитувања.
- Сепак, АстраЗенека е под истрага од кинеските власти поради неплатени увозни даноци за одредени лекови за рак, прекршување на законите за приватност на податоците и измама со здравствено осигурување. Во 2024 година беше приведен шефот на кинеската филијала, Леон Ванг.
- Унгарскиот премиер Виктор Орбан ја поддржа лидерката на АфД, Алис Вајдел, која побара од Украина да ѝ плати на Германија 70 милијарди евра поради саботажата на гасоводот Северен тек 2. Сумата е еквивалентна на досегашната помош од Берлин за Киев.
- Украински специјалци се обвинети дека по наредба од Киев во 2022 година го разнеле гасоводот, финансиран од Берлин и Москва, за транспорт на руски гас до Германија. Серхиј Кузњецов, еден од седумте осомничени саботери, е во притвор во Германија и чека судење.
- „Ќе бараме отштета. Ние им плаќаме на Украинците и на Зеленски за да го кренат во воздух нашиот гасовод. Земјата што ни го направи ова не може да биде наш пријател и тоа мора јавно да се прифати“, изјави копретседателката на АфД. „Алис Вајдел е во право!“, забележа Орбан.
- Орбан претходно истакна дека „Унгарија не бара конфликт со Украина“, но со денови е изложена на закани, вклучително и од екстремистички воени групи.
- „Нема да испраќаме пари во Украина, подобро е да завршат кај унгарски семејства отколку во бањата на украински олигарх... Нема да дозволиме Украина да биде турната во ЕУ во рок од две години, со газење на законите на ЕУ. Тоа би значело и увоз на војна“, објави Орбан.
