Ова е моја порака, полна со огорченост и лутина од академската заедница на Универзитетот Кирил и Методиј, првенствено од Семинарот за македонски јазик и Институтот за македонски јазик.
Да бидам прецизен, со договор меѓу ријечкиот ректор, академикот Даниел Рукавина и скопскиот ректор Ѓорѓи Мартиновски, на моја иницијатива беше решено на Универзитетот во Ријека да се формира Лекторат за македонски јазик. Во студиската 2008/2009 година, професорот Васил Тоциновски беше избран за прв лектор, предавач на новооснованиот Лекторат. Работата на професорот Тоциновски беше извонредна, не само како предавач туку и како афирматор на македонското културно наследство во Хрватска и тој тоа го правеше одлично.
Привлече голем број студенти, ги анимираше и многумина од нив ги направи вљубеници во македонскиот јазик и литература па голем дел од нив и дипломираа македонска книжевност во Ријека.
Сега, Семинарот за македонски јазик и Институтот за македонски јазик, на 10 мај слават годишнина од Лекторатот, основан во 2008. Организирана е јубилејна промоција на Зборник (во кој со два мои текста го бележам настанувањето и развојот на Лекторатот.
Случајно, вчера се најдов на Филозофскиот факултет и добив покана за Денот на факултетот па ја прашав лекторката Билјана Стојановска, како оди организацијата на годишнината на Лекторатот.
Лекторката ми наведе неколку имиња на дами кои со основањето и развојот на Лекторатот немаа никаква врска. На моето прашање дали доаѓа професорот Тоциновски, ми беше одговорено дека сместувањето му е обезбедено, ама „институциите“ не можеле да му платат авионска карта.
Тоа не само што ме разбесни туку и длабоко ме повреди. Основоположникот и човекот кој ги постави темелите на еден од најдобрите Лекторати во Хрватска, значи и во Европска Унија, не може да добие 200 евра за да му се плати билет до Загреб и назад.
Веројатно затоа што е пензионер. А за дамите има пари.
Мојот одговор беше јасен: ако во Ријека не се појави професорот Тоциновски, ме нема ни мене, па нека се договараат дамите каде се иницијаторите и основачите. Од Македонија веќе ми е преку глава, ама нешто вакво да му приредиш на свој човек кој 4 години беше амбасадор на македонската култура во Хрватска е недозволиво, неетички, безобразно, неколегијално и понижувачки.
Останувам на свое, длабоко разочаран и повреден, затоа што знам што има Тоциновски направено (прашајте го поранешниот амбасадор Марковски, членовите на „Илинден“ и другите македонски друштва во Хрватска каде тој има гостувано и зборувано).
Ако тој не се појави, заради некои ебени 200 евра, да ги набијам сите на една работа и да го заклучам мојот однос со Македонија.
Срам да ви е, вас на Семинарот и на Институтот. Со вас јас и натаму да комуницирам и соработувам - нема шанси. Јадно и бедно.
***********
Види и:
Драги мои Македонци, сè ви е напишано, само што не читате
Бугарска елито, дајте приберете се
Климент и Наум први се побунија против идеите на бугарскиот двор
