- САД ги укинаа санкциите за Франческа Албанезе, специјалната известувачка на Обединетите нации за палестинските територии, која ја критикуваше израелската војна во Газа и ја оцени како како „геноцид“.
- Администрацијата на Трамп лани ѝ воведе санкции на Албанезе, поради нејзината препорака до Меѓународниот кривичен суд да покрене истраги за воени злосторства против израелски и американски државјани и компании во врска со кампањата на геноцид во Газа.
- Ѝ забранија пристап во САД и ѝ ги блокираа сите сметки.
- Нејзиниот сопруг и ќерката, која е државјанка на САД, ја тужеа администрацијата на Трамп во февруари. Федерален судија на 13 мај привремено ги блокираше санкциите.
- Окружниот судија Ричард Леон заклучи дека „престојот на Албанезе надвор од САД не ја поткопува нејзината заштита според Првиот амандман од Уставот на САД“ и дека „администрацијата на Трамп се обидела да го регулира нејзиното право на говор поради „искажаната идеја или порака“.
- Новата унгарска влада го укина статусот на бегалец на поранешниот полски министер за правда Збигњев Зјобро и на неговиот заменик, кои избегаа во Будимпешта откако во својата земја беа обвинети за за злоупотреба на службената должност.
- Поранешниот премиер Виктор Орбан им додели азил на Зјобро, неговата сопруга и на заменикот Марчин Романовски, кој исто така е соочен со обвинение.
- Зјобро и Романовски се соочуваат со обвиненија за злоупотреба на пари од фонд за помош на жртвите на криминал. Тие ги отфрлаат обвиненијата и тврдат дека се жртви на политички „лов на вештерки“ бидејќи истражувале злоупотреби од страна на луѓе блиски до сегашниот полски премиер Доналд Туск.
- Двајцата веројатно повеќе не се во Унгарија. На 9 мај - денот кога новиот унгарски премиер Петер Маѓар положи заклетва – Зјобро бил забележан на аеродром во САД, а не е познато каде се наоѓа Романовски.
- Папата Лав XIV екскомуникацира шест бискупи од Братството на Свети Пиј X, со што го официјализираше расколот со ова традиционалистичко католичко движење со 600.000 членови ширум светот.
- Братството целосно ги отфрла длабоките реформи во Католичката црква од Вториот ватикански собор (1962–1965). Во средата во Швајцарија без одобрение од папата ракоположи четворица нови бискупи за да има доволно високи великодостојници кои ќе ја предводат групата.
- „Свештениците од Братството на Свети Пиј X вршат чин на шизма. Верниците-лаици кои му пристапуваат мора да се сметаат за расколници“, се вели во декретот на Дикастеријата за доктрина на верата.
- Папите со децении се обидуваат да ги нормализираат односите со оваа група. Папата Франциско дури повторно им дозволи да исповедаат верници во име на Црквата. „Лав оцени дека дојде време да запре попуштањето и да се испрати цврста порака“, изјави Елизе Ален, авторка на биографија на папата.
