- Шефот на Пентагон, Пит Хегсет предупреди дека Кина има план да изврши воена инвазија врз Тајван во 2027 година и ги повика американските сојузници на САД во Азија да вложуваат повеќе за одбрана.
- „Знаеме дека Ши Џинпинг ѝ нареди на војската да биде спремна за инвазија врз Тајван во 2027. Кинеската армија ги развива потребните капацитети со голема брзина и секој ден се обучува“, изјави Хегсет во обраќање до форум за безбедност и одбрана во Сингапур.
- Шефот на Пентагон истакна дека Индо-пацифичкиот регион е приоритет за администрацијата на Доналд Трамп.
- „Азиските земји треба да го следат примерот на европските. Членките на НАТО, дури и Германија, прифаќаат да трошат по 5% од својот БДП за одбрана. Не би било разумно земјите во Европа да трошат толку, а нашите главни сојузници во Азија помалку, иако се соочени со многу поголема закана, да не ја спомнувам воопшто и Северна Кореја“, додаде Хегсет во Сингапур.
- Палестинскиот татко кој во израелски воздушен удар изгуби девет од своите десет деца, осум дена подоцна и самиот им подлегна на повредите здобиени во истиот напад.
- Семејството на 40 годишниот Хамди ал-Наџар, доктор во болницата Насер во Газа загинаа дома, кога Израел им ја бомбардирал семејната куќа.
- Хамди се вратил дома откако ја однел на работа сопругата Алаа која е педијатар во истата болница.
- Случајот вџашува дури и за ужасните стандарди на Газа, особено кога се видоа снимките од распарчените тела на децата. А потоа биле носени во болницата каде на смена била мајка им.
- Украински дронови лансирани од камиони од руска територија, уништиле повеќе од 40 руски авиони, вклучувајќи и стратегиски бомбардери во четири воздухопловни бази оддалечени и по неколку илјади километри.
- Нападот бил извршен во базите Белаја во Иркутск, Дјагилево во Рјазан, Иваново и Оленја во Мурманск. Уништени се стратегиски бомбардери Ту-95 и Ту-22, од кои обично се лансираат крстосувачки проектили врз Украина, но кои може да носат и нуклеарни проектили.
- Стратегиската воздухопловна флота на Русија е десеткувана. Штетата се проценува на најмалку 2 милијарди долари.
- Украинската воено-разузнавачка агенција СБУ ја планирала операцијата 18 месеци. Руски државјани ги возеле камионите до предвидените локации без да знаат што пренесуваат. Покривот на контејнерот автоматски бил отфрлен и дроновите тргнале кон програмираните цели.
- Целата операција била управувана од далечина. Кога одлетале сите дронови, во контејнерите бил активиран експлозив за самоуништување.
