Вести › Набрзинка

Русија не е Америка, Зеленски нема да заврши како Мадуро

7 април 2026

Москва сака да му се суди на украинскиот претседател Володимир Зеленски, но нема намера да го грабне како што Американците го киднапираа лидерот на Венецуела, Николас Мадуро, изјави спикерката на Советот на Федерацијата, Валентина Матвиенко.
„Тоа не е наш стил. Ние сме земја која се почитува себеси и е почитувана од другите. Би ја изгубиле таа почит ако прибегнеме кон такви методи“, изјави Матвиенко во интервју за Русија 1.
Таа отфрла и руска акција за ликвидирање на Зеленски, како што САД и Израел го убија ајатолахот Али Хамнеи на почетокот на војната против Иран.
„САД не постигнаа ништо со убиството на врховниот лидер на Иран, а дамката на нивниот углед ќе остане во историјата засекогаш“, истакна Матвиенко.
Таа, сепак, оцени дека Зеленски е одговорен за војната во Украина и дека треба „да се соочи со судење и да биде казнет за своите постапки“.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор

Иран очекува 20 милиони луѓе на погребот на ајатолахот Али Хамнеи

3 јули 2026

Иранските власти очекуваат близу 20 милиони луѓе на државниот погреб на ајатолахот Али Хамнеи и на шестдневните церемонии на национална жалост. Хамнеи беше убиен во ракетен напад на 28 февруари – на првиот ден од војната со САД и Израел.
Церемонијата почнува утре во Техеран и Ком, а погребот е закажан за в четврток на 9 јули во Машхад – родното место на Хамнеи. Претседателот Масуд Пезешкијан ги повика сите Иранци да го испратат ајатолахот.
Мерките за безбедност се засилени мерки поради екстремните горештини, со температури до 40 Целзиусови степени, како и поради очекувањата за првото појавување во јавноста на Моџтаба Хамнеи откако беше избран за ајатолах. Моџтаба беше тешко ранет при нападот во кој загина неговиот татко.
Присуството на погребните церемонии го потврдија претседателите на Грузија и Таџикистан и премиерите на Ерменија и Пакистан. Државни делегации испратија Турција, Кина, Русија, Индија, Бангладеш и Авганистан.
Според ирански државни медиуми, свои претставници на комеморациите испратиле и антихегемонистички движења од Италија, Холандија, Британија, Данска и Австрија.

извор