Вести › Набрзинка

Русија ќе ја запре нафтата од Казахстан за Германија

21 април 2026

Москва од 1 мај ќе го запре транспортот на нафта од Казахстан за Германија преку гранка од нафтоводот „Дружба“, кој поминува низ Русија.
Извозот на казахстанска нафта преку преку „Дружба“ до Германија лани достигна 2,15 милиони тони или по околу 43.000 барели на ден - за 44% повеќе во споредба со 2024 година.
Оваа нафта обезбедува 17% од суровините за рафинеријата PCK во Швед, која преработува 12 милиони тони нафта годишно во гориво за 90% од возилата во регионите Берлин и Бранденбург.
Испораките на руска нафта за Германија беа прекинати откако почна војната во Украина.
По одлуката за енергетска транзиција во 2005 година, Германија го намали увозот за нафта за 33%. Денес половина од увезената нафта ја купува од Норвешка, САД и Либија.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор

Иран очекува 20 милиони луѓе на погребот на ајатолахот Али Хамнеи

3 јули 2026

Иранските власти очекуваат близу 20 милиони луѓе на државниот погреб на ајатолахот Али Хамнеи и на шестдневните церемонии на национална жалост. Хамнеи беше убиен во ракетен напад на 28 февруари – на првиот ден од војната со САД и Израел.
Церемонијата почнува утре во Техеран и Ком, а погребот е закажан за в четврток на 9 јули во Машхад – родното место на Хамнеи. Претседателот Масуд Пезешкијан ги повика сите Иранци да го испратат ајатолахот.
Мерките за безбедност се засилени мерки поради екстремните горештини, со температури до 40 Целзиусови степени, како и поради очекувањата за првото појавување во јавноста на Моџтаба Хамнеи откако беше избран за ајатолах. Моџтаба беше тешко ранет при нападот во кој загина неговиот татко.
Присуството на погребните церемонии го потврдија претседателите на Грузија и Таџикистан и премиерите на Ерменија и Пакистан. Државни делегации испратија Турција, Кина, Русија, Индија, Бангладеш и Авганистан.
Според ирански државни медиуми, свои претставници на комеморациите испратиле и антихегемонистички движења од Италија, Холандија, Британија, Данска и Австрија.

извор