Вести › Набрзинка

Првоаприлски подебавања со Пазарна инспекција

4 април 2023

Откако помина викендот и ги направија првоаприлските журки и концерти, по десет дена криење, газдите на Интермецо и Мош конечно ги примиле решенијата за затворање од Пазарната инспекција и самите ги затвориле објектите.
Кафулињата се затворени бидејќи не го почитувале дозволеното работно време, односно ечела музика и после еден часот по полноќ.
Зошто газда треба да прими решение па дури тогаш казната да почне да тече е нејасно. А ако газдата е на Маурициус?

Види и:
* Македонска полиција до Капиштец не добацува, не па до Грчец
* Капиштец во време на пандемија
* Човекот кој успеа да најде мирно место во Капиштец
* Приказни од Дивиот Капиштец
* Нејќе пајак во поштен Капиштец
* Отпор Капиштец, отпор!

извор

Како Иранците ја засакаа атомската бомба

5 ноември 2026

Свештеници и политичари низ Иран ги засилија повиците до властите во Техеран да се откажат од официјалниот став дека нема да развиваат нуклеарно оружје, пишува Њујорк тајмс, наведувајќи примери од проповеди и изјави на функционери.
Мохсен Резаи, задолжен за национална безбедност, изјави дека лидерите во Техеран почнале дискусии, но не донеле одлука дали да ја задржат предвоената нуклеарна доктрина ако САД или Израел ги обноват нападите врз Иран.
„Повлекувањето од Договорот за неширење на нуклеарното оружје порано беше став на малцинството во иранското раководство. Сега станува став на мнозинството“, вели Мохамад Гадери, експерт за надворешни работи од Техеран.
Иран тврди дека развива нуклеарна програма за цивилни цели. Покојниот врховен лидер, ајатолахот Али Хамнеи, издаде верски декрет со кој се забранува развојот и употребата на нуклеарно оружје. Фатвата е обврзувачка за сите државни институции, вклучувајќи ги војската и Корпусот на исламската револуционерна гарда. Тој пристап не ги спречи двете војни што Израел и САД ги почнаа против Иран – Дванаесетдневната од лани и операцијата „Епски бес“, во која загина и самиот Хамнеи.
„Тој создаде ситуација во која Иранците платија висока цена за бомба што всушност ја немаа. Сега постои чувство дека ако не го поседувате ова најстрашно оружје, во секој момент би можеле да се најдете на милост и немилост не само на САД, туку и на Израел“, објаснува аналитичарот Мохамад Али Шабани.

извор

Нетанјаху може да почне да се пакува

5 ноември 2026

Партијата „Раам“ на Арапите во Израел го поддржа Гади Ајзенкот како мандатар за состав на идната влада, по парламентарните избори кои завршија без јасен победник.
Со осумте пратеници од Раам, блокот зад Ајзенкот веќе има поддршка од 56 пратеници, повеќе од блокот на Бенјамин Нетанјаху (52).
Тоа може да биде пресудно, бидејќи претседателот Исак Херцог денеска ги почнува консултациите со политичките партии и треба да му го додели мандатот на кандидатот кој има најголема поддршка во Кнесетот.
За Ајзенкот се очекува да се определи и другата партија на Арапите – „Заедничка листа“, која освои 11 пратенички места.
Ајзенкот пред изборите отфрлаше коалиција со партиите на Арапите во Израел, но би можел да состави малцинска влада, која би добивала поддршка за клучните одлуки.

извор