Вести › Набрзинка

Помош за луѓето од Украина преку Црвен крст

26 февруари 2022

Македонскиот Црвен крст се вклучи кон апелот на Украинскиот Црвен крст за финансиска помош на населението во Украина.
Сите заинтересираните правни субјекти и граѓани можат да се вклучат во Апелот со обезбедување на парична помош на:

- Сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за населението во Украина.

- да се донираат 100 денари со повик на телефонските броеви 143 400.
Средствата можат да се донираат од 25.02.2022 до 15.03.2022 година.

извор

Пресуда на невладините: Пет влади од ЕУ го уриваат владеењето на правото

31 март 2026

Бугарија, Хрватска, Унгарија, Италија и Словачка активно спроведуваат регресивни политики и „упорно и намерно“ го еродираат владеењето на правото.
Заклучокот е изведен од наводи на преку 40 невладини организации во 22 земји.
Во Словачка и Бугарија има назадување во сите области - правда, борба против корупцијата, слобода на медиумите и контрола и рамнотежа на граѓанското општество.
Унгарија е вон конкуренција а Чешка, Естонија, Грција, Ирска, Литванија, Холандија, Романија и Шпанија стагнираат.
Само Латвија заслужува пофалби заради активното подобрување на стандардите за владеење на правото.

извор

39 полицајци направиле пропусти во пријавите на Ивана

31 март 2026

За само два случаи - пријавите на Ивана Стојаноска против сопругот Стојанче Јовановски и пријавите на убиената Росица Коцева против експартнерот Илија Стефановски - вкупно 40 полицајци се под истрага на Внатрешната контрола на МВР.
МВР утврди пропусти кај 39 полицајци кои постапувале по пријавите на Ивана, кога барала спас од семејното насилство кое, според Обвинителството, траело седум години.
За 11 пријавени полицајци од СВР Велес, уште се истражува дали ја оставиле незашитена убиената Росица, која пријавувала насилство од Стефановски кој ја уби во нејзиниот дом на 15 септември 2025, откако го уби и татко ѝ Киро, а потоа се самоуби.
Се проверува и постапувањето на полицајците кои постапувале во Нагоричане, каде 25-годишниот Трајко Бојковски уби две жени, додека се чека да се утврди дали има уште една жртва. Наредени беа две ексхумации на тела, бидејќи претходно, жртвите биле заведени дека починале од природна смрт, пишува Скопје1.мк

извор