Подгорица по нападот: Гнев, маршеви и народни патроли
28 октомври 2025
- Голем број граѓани вчера повторно маршираа низ Подгорица, протестирајќи против нападот врз момчето што беше избодено со нож од мигранти од Турција и Азербејџан во квартот Забјело.
- „Вечерва заедно со момците од Забјело го поминавме целиот град и порачавме дека повеќе нема да дозволиме вооружени мигранти да заведуваат ред по улиците на нашата Подгорица. Истакнуваме дека акцијата нема да има никакви врски со државјани на било која земја, со која било нација или вера. Има врска само со големата група мигранти што ги силуваат нашите жени, ги грабаат и ги снимаат децата, пљачкаат и се движат вооружени по улиците. Како епилог, избоден е наш другар од Забјело. Тоа нема да го има повеќе. Ако државата не е способна да не заштити, ние ќе ги заштитиме нашите мајки, сестри и сите нас“, порача групата „Варвари“. За денеска најавија уште еден собир, пред Владата на Црна Гора.
- Во неделата вечер полицијата едвај успеа да спречи општа пресметка во Забјело. Голема група се собра околу зградите во кои живеат мигранти од Турција и од Азербејџан и повикуваше на линч. Полицијата спроведе рација и приведe десетици мигранти, вклучувајќи двајца осомничени дека со нож седум пати го прободеле момчето во саботата. Владата по итна постапка го укинаа безвизниот режим за државјани на Турција.
- Девојката на ранетото момче го опиша нападот: „Нешто пееја и дофрлаа. Моето момче ги праша дали има некој проблем, а тие го нападнаа и веднаш извадија ножеви“. Иако било прободено седум пати, момчето е во стабилна состојба, без повреди на виталните органи. Изгубил многу крв и има повреди на главата.
- Tурскиот новинар Ибрахим Хаскологлу предупреди дека во Црна Гора се засолнил и криминалец кој во Турција се бара за сексуално злоставување девојчиња: „Се вика Озгур Ј, а слични изопачени лица шетаат низ вашата земја. Ве молам, немајте лошо мислење за Турците поради таквите луѓе… Има стотици од нив во вашата земја. Мафиози кои бегаат од Турција бараат засолниште таму“.
