Вести › Набрзинка

Прободено момче, повици за линч и тензии во Подгорица

27 октомври 2025

Црногорските власти по итна постапка го укинаа безвизниот режим за Турција и приведоа 45 турски државјани со привремен престој, во врска со нападот врз момче во подгоричката населба Забјело во саботата. Момчето седум пати било прободено со нож.
По нападот стотици жители на Подгорица излегле на протести и повикувале на линч на Турците во Црна Гора. Полицијата поставила кордони пред зградите во кои живеат турски државјани.
Во исто време полицијата извршила рации во Забјело и привела две лица - државјани на Турција и на Азербејџан. Осум лица се протерани од Црна Гора.
Во обид да ја смири јавноста, министерот за внатрешни работи, Данило Сарановиќ, ги отфрли како лажни вести информациите по социјалните медиуми дека во Црна Гора дозволила привремен престој на повеќе од 100.000 турски државјани.

16 февруари 2026

СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
Ваквиот речник не бил само личен напад, туку дел од поширок проблем на деградирање на жените во политиката.