Вести › Набрзинка

Почина Брижит Бардо

28 декември 2025
  • Иконата на францускиот филм и француската убавина, актерката и пејачка Брижит Бардо, почина на 91 годишна возраст.
  • Беше неприкосновен секс симбол во 50-тите и 60-тите години за во подоцнежните години да почне да се занимава со политички активизам и заштита на животните.
  • Меѓународна слава стекна со улогата во филмот „И тогаш Бог ја создаде жената“ од 1956 година, чиј сценарист и режисер беше нејзиниот тогашен сопруг Роже Вадим.
  • Се повлече уште во раните 70ти години за да започне со серија кампањи за заштита на животните. Попат нејзиниот политички активизам се насочи кон мигрантите и малцинствата. Бардо отворено го подржуваше десничарскиот Национален фронт на Ле Пен.
  • Нејзиното влијание беше толкаво што Ленон и Макартни барале од своите тогашни девојки да направат иста фризура и да имаат иста боја на косата како неа. Симон Де Бовоар напиша есеј во кој ја прогласи за најослободената жена во Франција а во 1969 година стана првиот реален модел за Мариен, симболот на француската република. 

  • „Je t'aime moi non plus“ Гинзберг ја има напишано за неа:

 

извор

Иран ќе наплаќа „осигурување“ за премин на Ормускиот проток

18 мај 2026
  • Иран формира нова дигитална платформа за осигурување „Ормуз сејф“, како ново владино тело за управување со бродскиот сообраќај низ Ормускиот проток. Платформата ќе се потпира на плаќања со криптовалути.
  • Според планот на Министерството за економија, управувањето со теснецот преку рамка за осигурување би овозможило издавање на разни полиси за поморско осигурување, како и сертификати за финансиска одговорност, наместо да се наплаќа „патарина“. При идеални околности, ова би можело да генерира до 10 милијарди долари приходи за Техеран.
  • Планот ќе почне со осигурување кое покрива инспекција, задржување и конфискација на бродови. Штетата од воени напади нема да биде покриена.
  • „Овој модел би бил прифатлив за другите земји во мирно време, а сепак би му дозволил на Иран да врши контрола врз теснецот“, објави државната новинска агенција Фарс.
извор

Путин им нуди руски пасоши на жителите од регионот отцепен од Молдавија

18 мај 2026
  • Молдавските лидери ја осудија како „закана“ одлуката на Владимир Путин да го поедностави процесот на давање руско државјанство на жителите на регионот Придњестровие, кој се отцепи од Молдавија пред 36 години.
  • Една половина од жителите на Придњестровие веќе имаат руско државјанство. Декретот на Путин објавен во петокот им овозможува на уште 350.000 луѓе да добијат руски пасоши без да го исполнат условот за постојан престој во Русија. 
  • „Ова е начин повторно да ни се закануваат, бидејќи на Русија не ѝ се допаѓаат нашите акции за реинтеграција. Веројатно им требаат повеќе луѓе за да испратат во војната во Украина“, изјави молдавската претседателка Маја Санду.
  • Рускиот амбасадор во Кишињев, Олег Озеров, изјави дека потегот е од хуманитарни причини, во согласност со меѓународното право, поради „зголемениот притисок“ од Молдавија врз Русите. Тој ги оцени реакциите како „лицемерие“, бидејќи Молдавија им дозволува на нејзини граѓани да добиваат романски пасоши.
  • Придњестровие се отцепи во 1990 година, кога Молдавија сè уште беше советска република. По двегодишен судир со повеќе од 1.000 жртви, двете страни се во мир, заштитуван од контингент од 1.500 руски војници. Регионот има свои политички институции - парламент, војска, полиција и поштенски систем.
извор

Штета ако сте пропуштиле

Кој е психопатот во вашето друштво?

Вечерен џоинт на Железара

Охридски виц на денот

Зајаче со упатство