- Наводно цело ова време било забрането пушење електронски цигари во затворено, само се толерирало.
- На неколку денови пред Новата година тоа веќе не се толерира и IQOS е забранет во кафани, кафулиња, и.тн. како и обични цигари.
- Контролите почнале од понеделникот, а веќе се изречени и парични казни.
- Хелсиншкиот комитет има податоци дека девојки го пријавувале Илија Стафеновски во полиција повеќе пати. Има пријави од 2013, 2017 и 2019 година.
- Девојка која го има пријавено пред 12 години била во врска со него година и половина, но кога кажала „не“ почнале проблемите: постојано ѝ ѕвонел, ѝ пишувал, се појавувал на местата каде што се движела, ѝ истурал пијачки.
- - Имаше драматични испади дека „ќе се убие“ ако не бидеме пак заедно, се сеќава таа.
- -По 13 години потсвесно ми беше очекувано дека вакво нешто ќе се случи. Го паметам тоа чувство кога нема каде да избегаш, немаш никаков излез. Полицијата сметам дека не е обучена, го гледа случајот изолирано, а не во поширок контекст и перспектива – споделува таа за „Слободен печат“.
- Судија за имиграција во Луизијана нареди пропалестинскиот активист Махмуд Калил, да биде депортиран во Сирија или Алжир поради тоа што во апликацијата за зелена карта не ги пријавил своите врски со Агенцијата на ОН за палестински бегалци (UNRWA) и со активистичката група Апартхејд дивест, која се залага за економски бојкот на Израел.
- Неговите адвокати имаат право на жалба до 12 октомври, но очекуваат да биде одбиена.
- Калил, Палестинец со потекло од Сирија и со легален статус на постојан жител на САД, беше уапсен во март во Мехнетн и три месеци беше во притвор во Луизијана, врз основа на закон од 1952 година, кој дозволува „отстранување странски државјани со потенцијално сериозни негативни последици за надворешната политика на САД“. Не беше обвинет за кривично дело.
- Тој привремено беше заштитен со одлука на федерален суд во Њу Џерси, кој нареди блокирање на барањата за депортација сè додека се разгледуваат неговите аргументи дека притворот бил „незаконска казна за неговото застапување на Палестинците“.
- Калил тврди дека го замолкнуваат поради критиките за геноцидот во Газа. „Не е изненадување што администрацијата на Трамп продолжува да ми се одмаздува поради тоа што го остварувам правото на слобода на говорот“.
