Вести › Набрзинка

Пентагон ќе почне да бара сметкопотврди за парите потрошени во Украина

31 август 2022

Америка не застанува со трошење пари на и за Украина.
Се проценува дека има над 7.800 поединечни договори за набавка на суми под 2 милиони долари, поврзани со снабдувањето на Украина. И ова е без големите набавки на комплексни воени системи.
За некој да не се помеша каде и колку пари одат, внатрешниот инспекторат на Пентагон ќе почне со директен надзор на сите пари што се трошат за Украина или се поврзани со нејзе.
Дел од неговата работа ќе биде следење на пратките од магацинот во САД до нивната испорака на украинските сили на фронтовските линии.
Пентагон уште нема поим колку пари има потрошено во Авганистан и Ирак.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.