Вести › Набрзинка

Пајазити останува судија, казнет само 30%

10 април 2025

Судскиот совет одлучи судијата Пајазит Пајазити, кој неосновано го пушти во домашен притвор поранешниот војник на косовската ОВК Блерим Рамадани, кој тоа го искористи за да побегне од државата, да плати само парична казна.
Пајазити, кого Советот имаше можност и да го разреши, сепак ќе продолжи да работи, но во следните шест месеци платата ќе му биде намалена за 30 отсто.
На 22 јули минатата година, судијата Пајазит Пајазити, иако ги имал сите факти кои укажувале дека поранешниот војник на ОВК може да избега, му одредил куќен наместо ефективен притвор, а Рамадани подоцна се даде во бегство во Косово.
Пајазити има и други дискутабилни пресуди, како онаа кога како судија на претходна постапка не одреди притвор за групата лица кои упаднаа во М-НАВ предводени од Беким Незири.

31 јули 2025

Тадеус Дениел Пирс, здраво машко бебе родено во саботата во Охајо го собори рекордот како „најстаро“ во светот, од ембрион што бил замрзнат во 1994 година.
По седумгодишни неуспешни обиди да имаат заедничко бебе, родителите Линдзи (35) и Тим (34) Пирс прифатиле да го „посвојат“ ембрионот што во 1994 година бил замрзнат при вештачкото оплодување на Линда Арчерд, која денес е на возраст од 62 години.
Арчерд пред 30 години добила ќерка, но другите три ембриони останале замрзнати. По разделбата од својот сопруг, таа ги донирала за истражување или да бидат на располагање на други родители.
Не сакавме да собориме некакви рекорди. Само сакавме да имаме бебе, изјави Линдзи Пирс.

31 јули 2025

Украинскиот парламент со убедливо мнозинство гласови го поништи законот што го усвои пред една недела, со кој ја ограничи независноста на двете главни антикорупциски тела во земјата. Претседателот Володимир Зеленски итно го потпиша новиот закон.
„Важно е државата да го слуша гласот на јавноста. Овој закон гарантира нормална и независна работа на антикорупциските тела и агенции“, изјави Зеленски.
Усвојувањето на амандманите пред една недела предизвика масовни улични протести во Киев и другите градови. Реагираа и западните сојузници на Киев со предупредување дека ќе ја замрзнат помошта за Украина.
Амандманите, кои сега се укинати, му даваа на главниот обвинител строга контрола врз Националното биро за борба против корупцијата и Специјализираното обвинителство за борба против корупцијата.