Вести › Набрзинка

Оштетени шест возила во Куманово за Денот на албанското знаме

29 ноември 2024

Шест возила биле оштетени за време на прославата во центарот на Куманово по повод Денот на албанското знаме, а едно лице е приведено.
Собирот бил ненајавен и се одржал в период од 18:00 до 22:00 часот.
Полициски службеници го привеле Б.Џ.(20) од село Липково поради непочитување на наредба и по целосно документирање на случајот против него ќе следува соодветен поднесок, информираат од кумановската полиција.

29 ноември 2024

Mинистерот за внатрешни работи Панче Тошковски, на денешната прес-конференција информираше дека за вчерашните инциденти со македонското знаме се уапсени осум лица, меѓу кои и еден малолетник.
„МВР одговори максимално брзо, нема да да дозволиме ваков вид на дејствија и подгорување на меѓуетнички тензии. Во текот на вечерта се целосно расветлени повеќе случаи, а некои делумно. Уапсени се 8 лица од страна на полицијата. Четири лица меѓу кои и малолетник за сквернавење на македонското знаме“, информираше министерот.
На сите кои имаат на ум да предизвикаат какво било сценарио за дестабилизација на Македонија, Тошковски им порача дека полицијата жестоко ќе одговори на такви обиди.

29 ноември 2024

Најголемиот хрватски малопродажен ланец на киосци „Тисак“ соопшти дека ќе престанува со дистрибуција на весници, дополнителен удар за печатените медиуми чии тиражи во последно време значително се намалуваат.
Тисак до своите партнери досега дистрибуирал печатени изданија на преку 3.000 локации во земјата. Компанијата вели дека дистрибуцијата веќе не им е основна дејност.
Со арбитрерна одлука на Владата, во Македонија од 2018-та година беа доделувани субвенции на печатените медиуми, се исплатија околу 3 милиони евра, најмногу на „Слободен печат“, „Вечер“, „Нова Македонија“ и „Коха“.