- Охридскиот градоначалник Кирил Пецаков објави Охридски маратон годинава сепак ќе има а од следната општината ја презема организацијата.
- „Маратон ќе има. Две или три години има неисплатен фонд кон пливачите. Начинот на водење на овој маратон од година во година се уништува. Тоа се гледа и во посетеноста. Ќе направиме сè што е во наша моќ да го организираме маратонот а од следната година и да го организираме“.
- Левица ја коментираше лежерноста со која Пендаровски дигна раце од најстарата спортска манифестација со традиција од 60 години: „Владејачката СДС постојано докажува дека е антимакедонска партија која на секој можен начин се обидува да ги уништи сите традиционални манифестации и вредности кои се обележје, симбол и препознатливост за Македонија во светот, како Охридскиот пливачки маратон. Нивниот антимакедонизам само расте и гази сè што го одржува македонскиот дух“.
- Градоначалникот на Чикаго, Брендон Џонсон (треба ли да се каже: од редовите на демократите), избувна на новинар кој го употреби терминот „нелегални странци“.
- Џонсон ја критикуваше фразата како „расистичка“ и „гадна“.
- Тоа не биле „илегални странци“ туку „индивидуалци без документи“ кои се човечки суштества.
- Суд во Киргистан ги забрани трите главни независни медиуми - порталот Клооп и видео-каналите Темиров и Ајт Ајт Десе - прогласувајќи ги за „екстремистички организации“. На новинарите Болот Темиров и Ринат Тухватшин им забранува какви било активности во медиумите.
- Ова е прва строга забрана за медиуми во Киргистан, кој важеше за една од најдемократските земји во Централна Азија и „оаза на независното новинарство“ во регионот. Притисокот го засили претседателот Садир Жапаров, кој дојде на власт по масовни демонстрации во 2020 година. Жапаров во август потпиша нов закон за медиуми, кој ги обврза сите новинарски куќи да се регистрираат кај властите.
- Забраната е објавена точно еден месец пред парламентарните избори, на кои партиите што го поддржуваат претседателот настојуваат да го зголемат своето мнозинство. Самиот Жапаров изјави дека на претседателските избори во 2027 година очекува да биде реизбран на функцијата со 90% од гласовите.
