- Целта на мерката според Министерството за животна средина е „да ги одврати корисниците од употреба на кеси за еднократна употреба и да се стимулира употребата на торби за повеќекратна употреба“.
- Од парите, 18% се за ДДВ, а преостанатите 12,3 ќе влезат во нов фонд на Министерството за животна средина, кој треба да инвестира „во проекти и во подобрување на животната средина“.
- Производителите на кеси тврдат дека ќе прогласат банкрот.
- Со законот се забранува и користење на пакување за еднократна употреба во угостителските објекти на територијата на заштитените подрачја во Македонија.
- Доналд Трамп и директорите на најголемите американски информатички компании потпишаа „морално обврзувачки устав“ за управување со развојот на вештачката интелигенција, која претседателот со декрет ја преименува во „супер интелигенција“.
- Документот ги „охрабрува“ компаниите за ВИ да спроведат внатрешни контроли за да ги следат капацитетите на ботовите за време на обуката и да спречат ненамерни хакирања. Компаниите ќе соработуваат со независен надворешен ревизор за да проценат заедно дали напредните модели функционираат како што е предвидено.
- На ништо од ова нема да бидат правно обврзани.
- На работниот ручек со Трамп во Белата куќа присуствуваа поранешниот „цар“ за ВИ, Дејвид Сакс, Дарио Амодеи од Anthropic, Грег Брокман од OpenAI, Јенсен Хуанг од Nvidia, Илон Маск од SpaceX, Марк Закерберг од Meta, Џеф Безос од Amazon, Алекс Карп од Palantir, Сатја Надела од Microsoft, Сундар Пичаи од Google...
- „Најголемите луѓе во светот го потпишаа тоа, и јас го потпишав како претседател. Тоа навистина е форма на заштита“, изјави Трамп.
- Унгарските власти наскоро ќе објават десетици илјади документи од времето на комунистичкиот режим, во кои се идентификувани офицери, доушници, кодоши, соработници или потенцијални кандидати за регрутирање.
- Датотеките во кои се запишани меѓу 50.000 и 60.000 имиња ќе бидат достапни по 4 ноември преку онлајн база на податоци. Досиејата претходно беа достапни само за именувани лица и за нивните блиски роднини. Некои документи ќе бидат редактирани за да се заштитат чувствителни лични информации, како здравствени картони, зависности или сексуална ориентација.
- Во четирите децении под комунистичка власт, Унгарија имаше обемен апарат за државна безбедност кој ги следеше граѓаните и ја проценуваше нивната лојалност. Покрај редовните офицери и агенти, службата преку уцени и закани регрутираше и обични граѓани за да следат свои колеги, пријатели, соседи и роднини и да поднесуваат извештаи.
- За прашањето дали воопшто да се објават документите се води дебата уште од 1990 година, главно поради претпоставките дека многумина активни политичари биле поврзани со тајните служби.
- „Унгарското општество не успеа ниту да го проголта, ниту да го исплука овој проблем уште од промената на режимот“, вели директорот на архивот, Ѓерѓ Бендегуз Чех.
