Вести › Набрзинка

Обвинителството не нашло докази против Капушевски и Јахоски

12 мај 2026

Основното јавно обвинителство за гонење организиран криминал и корупција ја запре истрагата за набавките на мазут за потребите на ТЕЦ Неготино, во која беа опфатени 13 лица, меѓу нив и бизнисменот Ратко Капушевски, сопственик на компанијата РКМ.
По едногодишна истражна постапка не утврдиле дека осомничените ги сториле кривичните дела што им се ставале на товар.
Предмет на истрагата беа сомневања за злоупотреби во постапките за набавка на мазут за ТЕЦ Неготино во време на енергетската криза, незаконито склучување договори и анекси, како и перење пари.
Обвинителството тврди дека не е утврдена штета врз ЕСМ или државниот буџет а „финансиските трансакции, исплатите, купувањето имот и префрлањето средства меѓу сметки не можат да се сметаат за перење пари или прикривање незаконски стекнати средства“.

извор

Стармер не дава оставка, ќе се бори против бунтот во партијата

12 мај 2026

Британскиот премиер Кир Стармер се реши на битка за политички опстанок, откако неколкумина министри во неговата влада и 80 лабуристички пратеници го повикаа да поднесе оставка поради одговорност за рекордно нискиот рејтинг на партијата и еден од најкатастрофалните порази на локалните избори пред неколку дена.
Шест клучни министри од кабинетот на Стармер потврдиле за Телеграф дека на денешниот состанок на владиниот кабинет ќе побараат оставка од премиерот. Тој, сепак, не им дал збор и ги кажал сопствените аргументи зошто треба да остане на функцијата.
„Изминатите 48 часа беа дестабилизирачки за владата и тоа има реална економска цена за нашата земја и за семејствата. Земјата очекува од нас да продолжиме со управувањето. Тоа е она што го правам и она што мора да го направиме како кабинет“, им изјавил Стармер на министрите.
Стармер истакнал и дека во партијата се уште не е покренат официјален потег за избор на нов лидер, што во британскиот систем значи и нов премиер.
Премиерската позиција на Стармер е безбедна сè додека 81 пратеник од Лабуристичката партија официјално не предложат нов лидер на партијата. Министерот за здравство Вес Стритинг наводно веќе има таква поддршка, но се воздржува да ја предизвика лидерската позиција на Стармер.

извор

Грција дига рачна за масовниот туризам

12 мај 2026

На крајот на јуни во Грција на сила ќе стапи нов пакет мерки поврзани со туризмот и градењето кои надлежната министертка за туризам ги претстави како историски.
Правилата за градење ќе бидат далеку построги од сега, особено за масовно посетуваните острови како Родос, Миконос, Санторини... Новите хотели таму не ќе можат да имаат повеќе од 100 кревети.
Нови хотели надвор од официјалните градежни области ќе бидат дозволени само на големи имоти. Во зависност од регионот, ќе мора да се има површина од најмалку осум до 16 хектари.
Се забранува градба поблиску од 25 метри до морето.
Лани Грција ја посетиле 38 милиони туристи.

извор