Вести › Набрзинка

Нов Асном: Враќање на името е наша обврска

8 септември 2022

Денес, како резултат на погубните и самоуништувачки политики на оваа одродничка и ненародна власт на СДСМ, ние ја немаме Република Македонија, ја имаме Северна Македонија која сегашниве политички елити ја слават како да е Република Македонија.
За потсетување, никој од нас ( 95 проценти од граѓаните) што излегоа на гласање на референдумот од 8 Септември 1991, не гласаше за гнасното име Северна.
Наша задача, цел и обврска е да го вратиме нашето достоинство, гордост и чест и да го вратиме нашето уставно име- Република Македонија, да изградиме правно и вистински демократско општество, каде секој граѓанин ќе има еднакви услови за просперитетен живот во здрава животна средина.

извор

Требаше ли нашите од Дубаи да се евакуираат бесплатно?

11 март 2026

Враќањето на своите државјани од военото подрачје околу Иран со јавни пари го финансираа држави како Македонија, Босна, Србија, Хрватска и Словенија, за разлика од далеку побогатите и социјално сензитивни нордиски земји.
Хрватските даночни обврзници ги чинело 850.000 евра за репатријација на 845 хрватски државјани кои американско-израелскиот напад врзз Иран ги затекнал во блискоисточните земји.
Словенската влада издвоила 1,5 милиони евра, онаа на Босна и Херцеговина околу 400.000 евра.
Скандинавски ладен беше одговорот на шведската министерка за надворешни работи, Марија Малмер Стенергард, на прашањето дали шведската војска со своите авиони треба да помогне во евакуацијата:
„Моментално не сме во ситуација да ги користиме ресурсите на вооружените сили. Воениот буџет и парите што ги издвоија вредните Швеѓани секогаш треба да се чуваат.“
Седиште во авионот во кој Шведска превезуваше свои државјани од Дубаи до Стокхолм чинел 1.100 евра за возрасни и 850 евра за деца. Со моментално плаќање на сметката на министерството за надворешни работи. Во спротивно, се губи резервацијата.

извор

Меркел, Валенса и Зеленски добија ордени за заслуги за ЕУ

11 март 2026

Украинскиот претседател Володимир Зеленски, поранешната германска канцеларка Ангела Меркел и поранешниот полски претседател Лех Валенса се првите тројца добитници на орденот за заслуги што го доделува Европскиот парламент.
Низ Европскиот парламент се слушнаа гласни свирежи кога меѓу добитниците беше соопштено името на Меркел – канцеларката која е заслужна за надминувањето на кризата во Еврозоната, но и која ги отвори вратите на Германија за повеќе од 1 милион мигранти од Сирија во 2015 година.

Меѓу „успесите“ на Меркел беше спомнато затворањето на нуклеарните централи, што заедно со создавањето зависност од увоз на руски гас придонесе за актуелната индустриска криза во Германија.
Со орден од втор ред се наградени десетмина актуелни или поранешни политички лидери, меѓу кои е и Хавиер Солана.
Рок-бендот U2 и грчкиот кошаркар Јанис Адетокунбо се наградени со орден од трет ред - за „исклучителен придонес за културното влијание и моралното лидерство на ЕУ“.

извор