Вести › Набрзинка

Нобеловката за мир одбила да се види со шпанскиот претседател

18 април 2026

Марија Корина Мачадо, нобеловка и лидер на веневуелската опозиција, одбила во Мадрид да се сретне со шпанскиот премиер Педро Санчез, кој е во лоши односи со американскиот претседател Доналд Трамп, на чија поддршка смета таа.
„Таква средба не е опортуна“, оценила таа.
Мачадо се сретна со лидерот на конзервативната Народна партија и со лидерот на Вокс, за да биде упадливо дека стратешки фокус става на десничарската политичка опозиција на Шпанија, а не на левичарската влада.
Таа стана предмет на подбив заради девалвирање на наградата откако реши да му ја подари на американскиот претседател.
Норвешкиот Нобелоv комитет тогаш потсети дека вистинската чест што ја претставува медалот „не може да се одземе, сподели или пренесе на други“.

18 април 2026

Метежот на европските аеродроми и гранични премини не стивнува од 10 април, кога започна целосната примена на системот за влез/излез (EES), а експертите предупредуваат дека вистинските гужви допрва ќе се почувствуваат со почетокот на летната сезона.
Дополнителен притисок се очекува во последниот квартал од 2026 година, кога треба да стартува и новиот систем за електронска патна дозвола ETIAS.
ETIAS ќе важи за околу 60 земји, а ќе се однесува на влез во 30 европски држави, вклучувајќи ги земјите од ЕУ, како и Норвешка, Швајцарија и Исланд.
Цената на апликацијата ќе изнесува околу 20 евра, а дозволата ќе важи до три години или до истекот на пасошот. Аплицирањето ќе се врши онлајн и може да трае од неколку минути до 14 дена, а во одредени случаи и подолго.

18 април 2026

"Сепак се врти“ е фестивал ја доближува македонската публика до алтернативната музичка сцена, преку концерти на отворено низ државата.
Toa e фестивал од патувачки тип кој има за цел децентрализација на културата и промоција на млада авторска музика и акција, преку концерти на централни и лесно пристапни локации низ повеќе градови во државата.
Оваа година, колективот „Гола планина“ ќе го однесе караванот до Охрид, Кичево, Кавадарци и Скопје во текот на четири саботи во месец мај.
Минимална сума за донирање е 100 ден, а максимална 6000 ден. во еден ден.