Вести › Набрзинка

Никој не сака во коалицијата на САД за Ормускиот проток

17 март 2026

Американските сојузници го отфрлаат повикот од Доналд Трамп да формираат меѓународна коалиција што би ги обезбедувала танкерите и товарните бродови низ Ормускиот Проток додека САД и Израел војуваат против Иран.
Трамп во коалицијата ги повика Британија, Франција, Германија, Италија, Австралија, Канада, земјите од Заливот, Јапонија и Јужна Кореја. „На некои земји им помагавме многу, многу години. Ги заштитивме од ужасни надворешни извори, а тие покажаа ентузијазам“, изјави Трамп.
Германија, Италија и Јапонија веќе објавија дека нема да испратат помош. Трамп изјави дека Макрон е „80% спремен да помогне“, но извори од Париз тврдат дека францускиот претседател ја одбил поканата.
Единствено Кир Стармер ја разгледува опцијата. Британија изготвила план за формирање мултинационална работна група.
Шефицата за европска надворешна политика, Каја Калас, по состанокот со министрите за надворешни работи на 27-те земји-членки изјави дека ЕУ нема желба да се придружи на коалицијата на Трамп. „Ова не е војна на Европа“, изјави Калас.

извор

Ни во вселената не се наоѓа добар водоводџија

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

извор

Велешани некогаш даваа гемиџии, денес немаат јајца

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.