Нетанјаху го притискал и Обама да му објави војна на Иран
6 мај 2026
- Бенјамин Нетанјаху го убедувал и Барак Обама да му објави војна на Иран, со истите аргументи со кои десетина години подоцна успеа да го убеди Доналд Трамп. Обама го одбил и се решил за дипломатски наместо за воен пристап.
- „Мислам дека мојата прогноза беше точна. Можеби Нетанјаху го доби она што го сакаше. Прашање е дали тоа на крајот е најдоброто за израелскиот народ. Прашање е дали тоа е најдобро за САД. Мислам дека има многу записи за моите разлики со Нетанјаху“, изјави Обама во интервју за Њујоркер.
- Обама почна преговори со Техеран кои доведоа до нуклеарниот договор од 2015 година, со кои се поставија ограничувања на нуклеарните активности на Иран во замена за олеснување на санкциите.
- Нетанјаху тогаш остро се спротивстави на договорот, предупредувајќи дека тој нема да го спречи Иран да се здобие со нуклеарно оружје туку ќе зајакне економски и воено. Трамп во својот прв мандат ги повлече САД од нуклеарниот договор во 2018 година и повторно воведе санкции за Иран.
- САД лани да му се придружија на Израел во ограничени напади врз ирански постројки, а Трамп во февруари го прифати повикот од Нетанјаху за да му објави војна на Иран, иако против тоа беа повеќето од неговите најблиски советници во Белата куќа. Војната почна на 28 февруари.
