- Премиерот Бенјамин Нетанјаху изјави дека израелските сили го ликвидирале Мохамед Синвар, лидерот на Хамас и помлад брат на основачот на групата Јахја Синвар.
- Мохамед Синвар беше цел на напад врз болница во јужниот дел на Газа во почетокот на мај. Дури сега е потврдено дека тој бил убиен.
- „Ги елиминиравме Мохамед Деиф, Исмаил Ханија, Јахја Синвар и Мохамед Синвар. Во изминатите два дена направивме пресврт кон целосен пораз на Хамас“, изјави Нетанјаху пред Кнесетот.
- Постариот брат Јахја Синвар го организираше терористичкиот напад на Хамас врз Израел во октомври 2023 година, во кој беа убиени повеќе од 1.200 Израелци. Тој беше убиен пред половина година во престрелка со израелски трупи во Газа. Помладиот брат Мохамед беше последниот од високите команданти на Хамас на израелскиот список за ликвидации.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
