Втора ноќ по ред демонстранти во Северна Ирска палат барикади и фрлаат молотови коктели и камења врз полициски кордони и домови на мигранти, како реакција на нападот на две момчиња од Романија врз малолетна девојка.
Момчињата на возраст од 14 години се обвинети за обид за силување и ќе се појават пред суд на 2 јули.
Во Балимена, каде што бил извршен нападот, полицијата употребила водени топови и пукала гумени куршуми за да ги одбие нападите од стотици демонстранти врз домови на мигранти. Биле искршени прозорци на шест куќи, а врз две биле фрлени молотови коктели.
Насилството очигледно има расистички мотиви и е насочено кон малцинска етничка заедница и кон полицијата, изјави офицерот Рајан Хендерсон.
Слични улични насилства во Северна Ирска и во Англија имаше и лани откако 17-годишен мигрант уби три девојчиња и повреди уште неколку во Саутпорт.
Следејќи некои „дебати“ на социјалните медиуми неодамна, се’ повеќе сум уверен дека се враќаме наназад и стануваме поглупави и понефункционални како општество.
Можеби повеќе не сме Homo sapiens – „мудриот човек“. Ниту пак сме Homo economicus, наводно рационалниот актер во класичната економија. Сè повеќе стануваме Homo idioticus – суштество дефинирано, не од мудрост или логика, туку од емоционални импулси, дезинформации и интелектуална инерција.
Изгледа на социјалните медиуми им се потребни „идиоти“. Затоа станаа нивен расадник. Не гледам проблем во тоа да им дозволиме на „идиотите“ да кажуваат идиотски работи. Друго и не може да очекувате од „идиотот“. Проблемот е што платформите преживуваат со пронаоѓање на највирулентните идиотизми и нивно глобално ширење. Едноставно кажано, благодарение на социјалните медиуми, „идиотите“ сега имаат платформа да ја објават својата глупост пред целиот свет.
СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
Ваквиот речник не бил само личен напад, туку дел од поширок проблем на деградирање на жените во политиката.
