Вести › Набрзинка

Не биле фашисти, само ги понела атмосферата

7 февруари 2022

Пораката на претседателот од македонската страна на историската комисија со Бугарија, Драги Ѓорѓиев, дека Бугарија не била фашистичка, ги зовре историчарите, писателите, режисерите, професорите.
Цуцуловски: Ако Бугарија не била фашистичка земја, туку само профашистичка, како што тврди Драги Ѓорѓиев, тогаш би било интересно да објасни во кое својство Царска Бугарија во декември 1941 година, непосредно после јапонскиот напад на Перл Харбур, им објавува војна на Обединетото Краство и САД?
Томислав Османли: Нашата волја за евроасоцирање останува отворена. И толку веќе. Тие треба да ни го испорачаат одамна заслуженото не да отвораат нови, бескрајни хипокритски игри и да ја тераат нашата врхушка на самоуништувачки отстапки по диктат на својот конзервативизам и на бугарскиот шовинизам
Цар Борис потпишувал расни закони изгласани од Собранието, потсетува историчарот Чепреганов за Плус инфо.

извор

Стармер се откажа од задолжителна дигитална лична карта

14 јануари 2026

По голем притисок од јавноста, британските лабуристички власти се откажаа од воведувањето задолжителна дигитална лична карта, со цел за да се засили евиденцијата на работниците и да се воспостави контрола врз нелегалната миграција.
Премиерот Кир Стармер во септември вети дека мигрантите нема да можат да работат во Обединетото Кралство ако немаат дигитална лична карта. Иницијативата беше најавена за 2029 година, но беше критикувана како инструмент што може да го засили надзорот врз сите Британци и да им ја загрози приватноста.
Анкети покажуваат дека за 49% се намалила поддршката за задолжително воведување дигитални документи. Онлајн петицијата со која се повикува Владата да не ја воведува шемата собра речиси три милиони потписи.
Со новите измени останува одредбата за задолжителна проверка на мигрантите што бараат работа, но ни тие, како и било кои други во Британија, нема да бидат обврзани да вадат дигитален документ за идентификација.
Воведувањето дигитални лични карти е загрозено и од финансиски причини. Реформата е проценета на 1,8 милијарди фунти. Министерката Рејчел Ривс одби да издвои посебни средства, па на министерствата им е наредено да издвојат пари од своите буџети.

извор

Ќе ги апсат Бил и Хилари за да одговараат за Епстин

14 јануари 2026

Бил и Хилари Клинтон Хилари може да бидат уапсени откако одбија да сведочат пред Конгресот за истрагата за Џефри Епстин.
Поранешниот претседател и неговата сопруга уште во август добија покана да дадат искази пред Надзорниот комитет на Претставничкиот дом за нивните врски со озлогласениот финансиер и педофил Епстин. Тие одбиваат, тврдејќи дека се жртви на политичка одмазда.
„Секој разумен во Конгресот и надвор од него гледа дека ова е обид да ги казните оние што ги гледате како ваши непријатели и да ги заштитите оние за кои мислите дека се ваши пријатели“, забележаа Клинтонови во писмо до Џејмс Комер, републиканскиот претседател на Комитетот.
Комер претходно изјави дека ако Клинтонови не се појават, тој ќе покрене постапка за непочитување на Конгресот. Тоа значи дека Бил и Хилари би можеле да се соочат со кривична истрага и затворска казна.
Истрагата почна пред да биде потпишан Законот за транспарентност на досиејата на Епстин, кој му наложи на Министерството за правда да ги објави сите документи. Досега се објавени над 100.000, вклучувајќи многу фотографии од Бил Клинтон – во џакузи со жена или во базен со Гислен Максвел, што само по себе не е доказ дека бил вклучен во синџирот за проституција на Епстин.

извор