- Пред неколку затвори во Франција синоќа имало пукотници и биле запалени автомобили во обид за заплашување на стражарите и службениците. Нема информации за повредени лица.
- Кон затворот во Тулон било пукано од автоматско оружје. Инциденти имало и во Марсеј, Ним и во Нантер близу Париз.
- Министерот за правда Жералд Дарманин ги смета нападите за реакција на засилувањата на безбедноста во затворите, со цел да се спречат наркобарони од ќелии да управуваат со своите империи.
- „Одговорот мора да биде незапирлив. На тие што напаѓаат затвори местото им е во затвор“, изјави министерот за внатрешни работи Бруно Ретајо.
- Франција не е поштедена од латиноамериканските банди што го прошируваат шверцот на кокаин низ Европа. Во март во Данкирк беа запленети 10 тони кокаин. Во 2024 година биле запленети вкупно 53,5 тони, повеќе од двојно повеќе во споредба со претходната година.
- Украина извела силен напад со дронови поради што се затворени два битни аеродроми кои го опслужуваат рускиот главен град.
- Руската против-воздушна одбрана срушила девет дрона кои се движеле кон Москва а запалена е хемиска фабрика на 30 километри од Кремљ.
- Во меѓувреме, Русија соопшти дека за првпат во тригодишната инвазија, навлегла во источната украинска област Дњипропетровск што е прва поголема територијална ескалација во последно време.
- Дњепропетровск е важен рударски и индустриски центар за Украина, а подлабокото руско напредување во регионот би можело да има сериозен негативен ефект врз војската и економијата на Киев, кои се во криза.
- Колумбискиот десничарски сенатор и сериозен кандидат за претседателската трка идната година, Мигел Урибе Турбај, беше застрелан додека им се обраќаше на своите приврзаници во квартот Моделија во Богота.
- Најверојатно бил застрелан в грб и глава и веднаш пренесен во болница во која, како што пиша неговата сопруга, се бори за живот.
- Градоначалникот на Богота потврди дека осомничениот атентатор е уапсен а министерот за одбрана, Педро Санчез понуди награда од три милијарди колумбиски пезоси (715.000 долари) за информации кои ќе водат во идентификација на сите вклучени во заверата.
- 39 годишниот Мигел Урибе Турбај е десничарски ориентиран сенатор и влијателен член на опозициската партија Демократски центар, основана од поранешниот претседател Алваро Урибе (не се во крвно сродство). Тој е внук на поранешниот колумбиски претседател Хулио Сезар Турбај и син на новинарката Дијана Турбај, која беше убиена во 1991 година за време на неуспешна операција за спасување откако беше киднапирана од картелот Меделин на Пабло Ескобар.
- Десничарските кругови на социјалните медиуми потсетуваат дека пред Урибе, во Еквадор беше убиен десничарскиот кандидат, Фернандо Виљавиченсио, во Бразил, десничарот Болсонаро беше избоден со нож а во САД Трамп преживеа два обида за убиство.
