Вести › Набрзинка

Муслиу и Еуростандард

3 декември 2021

„Алберт Муслиу и брат му вкупно ѝ должат на Еуростандард 780.000 евра, се вмешало и Обвинителството од Гостивар“, насловува Република пренесувајќи го соопштението на Здружението на оштетени штедачи на ЕСБ.
Едната фирма е на братот на политичкиот аналитичар Муслиу, должи околу 380 000 евра на банката и 742 дена нема извршено ниту една уплата за намирување на овој долг.
Фирмата е регистрирана на адресата каде живее господинот Алберт Муслиу, кој е заложен должник, каде што исто така е регистрирана и фирмата ТЕУТА-РАМ, која пак на доверителите на Еуростандард Банка им должи околу 400 000 евра.

извор

САД ги повикаа своите службеници итно да го напуштат Израел

27 февруари 2026

Амбасадата на САД во Израел ги повика сите вработени што не се на клучни позиции итно да ја напуштат земјата заедно со семејствата, поради можен американски воен напад врз Иран.
Амбасадорот Мајк Хакаби им препорачал на службениците да купат билет за „било кој лет надвор од Израел“, а потоа да продолжат до Вашингтон.
„Оние што ќе прифатат овластено заминување треба да го сторат тоа денеска. Може да има летови и во наредните денови, но можеби ќе нема“, предупредил амбасадорот.
Причината е јасна – при евентуален американско-израелски напад врз Иран, се очекува Техеран да нареди одмазднички напади врз Израел.
Додека американски и ирански делегации преговараат во Женева за иранската нуклеарна програма, САД концентрираа силна армада близу Персискиот Залив - два носачи на авиони и бомбардери во воздухопловните бази на Блискиот Исток. Последните информации од Женева се дека преговорите биле „позитивни“ и дека е постигнат напредок.

извор