- Премиерот Роберт Голоб прогласи победа на неговата партија Слобода на парламентарните избори во Словенија, но актуелната владина коалиција го изгуби мнозинството.
- Според преброени 99,85% од гласовите, Слобода освоила само 7.749 гласа повеќе од СДС на Јанез Јанша, но и едно пратеничко место повеќе – 29 наспроти 28.
- Во Националното собрание влегоа и коалицијата НСи-СЛС-Фокус, со 9 пратенички мандати, СД и Демократите со по 6 места, а по пет ќе имаат блокот Левица-Весна и партијата Ресни.ца.
- Ниту партијата на Голоб ниту СДС на Јанша со своите традиционални сојузници не можат да соберат мнозинство од 46 пратеници, поради што се очекуваат тешки коалициски преговори.
- Кампањата помина во сенка на обвинувања за корупција проширени на социјалните мрежи преку протечени аудио-снимки, и контраобвинувања за надворешно мешање од израелската приватна разузнавачка компанија Блек кјуб, чии претставници се сретнале со Јанша.
- Метеор намерачен да се мавне во Земјата експлодирал над североисточниот дел на САД со експлозија која ослободила енергија еквивалентна на 300 тони ТНТ, соопшти НАСА.
- Метеорот се движел со брзина од над 120.000 км/ч а со стравотни експлозии се распаднал на надморска височина од 64,3 километри над североисточен Масачусетс и југоисточен Њу Хемпшир.
- Луѓето ги слушнале експлозиите, куќите се треселе.
- Руската Дума пред неколку дена донесе закон со кој се овластува Сбербанк, централната банка и другите финансиски институции да инсталираат системи за електронско војување и да ги вооружаат ои обучат вработените за соборување украински беспилотни летала што им се закануваат на нивните објекти.
- Дека постои таква потреба покажа и една крстосувачка ракета „Сторм Шедоу“ од британско производство која истиот ден ја погоди канцеларијата на руската централна банка во Севастопол, Крим.
- Руските банки ќе можат да инсталираат свои системи за одбрана од беспилотни летала, да ги блокираат сигналите и да уништуваат беспилотни летала без да чекаат овластување од безбедносните служби.
- Законот доаѓа во време кога Украина сè поефикасно користи дронови за напади на цели длабоко во руската територија.
