Вести › Набрзинка

Менкиноски до Џамбаски: Правата на Македонците не се антибугарска тема

26 ноември 2025

Контроверзниот бугарски европратеник Ангел Џамбаски отворено се спротивстави на кандидатурата на адвокатот и борец за правата на македонското малцинство во Бугарија, Тони Менкиноски, за судија што ќе ја претставува Македонија во Европскиот суд за човекови права. Било неприфатливо Бугарија да дозволи ова лице да влезе во таква „антинационална и затоа антибугарска организација како што е ЕСЧП“, а биографијата на Менкиноски била, „повеќе од скандалозна“.
Менкиноски го потсети дека „прашањето кое го отвораме не е „антибугарско“, туку дел од долгогодишна правна и демократска дебата во рамките на Советот на Европа, а во корист на нас Македонците“.
Го потсетува и дека Венецијанската комисија уште во 2018 година ѝ препорача на Бугарија уставни измени а иста препорака има дадено и комесарот за човекови права, Томас Хаммарберг.
„И конечно - мојата порака како Македонец: Ние, Македонците – без разлика каде живееме – секогаш ќе се бориме мирно, демократски и упорно за нашите основни човекови права: правото на самоопределување, правото на здружување и правото на достоинство. Никогаш нема да се откажеме од овие вредности. Не затоа што се против некого, туку затоа што се за слобода, еднаквост и почитување на човекот. И затоа ние Македонците никогаш нема да попуштиме пред никого“, порачува Тони Менкиноски.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор