Вести › Набрзинка

Маск се кае за кавгата со Трамп

11 јуни 2025

Илон Маск порача дека се кае за некои од објавите со кои го навредуваше претседателот Доналд Трамп за време на нивната пресметка по социјалните мрежи.
Жалам за некои од постовите за претседателот Доналд Трамп. Тие отидоа предалеку, порача Маск на Икс.

I regret some of my posts about President @realDonaldTrump last week. They went too far.
— Elon Musk (@elonmusk) June 11, 2025

За време на викендот Маск избриша од својот профил повеќе пораки насочени кон Трамп, вклучувајќи ги поддршката за импичмент на претседателот и тврдењето дека со своите донации му ја донел победата на изборите во ноември.
Трамп претходно објави дека нивните односи завршиле и дека повеќе нема никаков интерес да има каква било врска со Маск. „Мислам дека тоа беше многу лошо, зашто беше непочитување. Не можете да не ја почитувате функцијата претседател“, изјави Трамп во неделата.
Кавгата преку медиумите почна неколку дена откако на Маск му заврши функцијата шеф на Канцеларијата за владина ефикасност и советник на Белата куќа.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор