- Милијардерот Илон Маск, поранешниот советник на Трамп, Стив Бенон, и британскиот принц Ендрју се спомнуваат во нови документи од истрагата за сексуалниот престапник и финансиер Џефри Епстин.
- Документите ги објавија демократски конгресмени од Комитетот за надзор на Претставничкиот дом, кој разгледува досиеја доставени од Министерството за правда - телефонски пораки, дневници на летови, финансиски извештаи и дневниот распоред на Епстин.
- За Маск се наведува дека бил поканет на приватниот остров на Епстин во 2014 година. Милијардерот претходно изјави дека ја одбил поканата. Во финансиски извештај од 2000 година се забележани исплати за масажи, вежби и јога за „Ендрју“. Во тој период британскиот принц Ендрју е запишан меѓу патниците на лет до Флорида, покрај Епстин и неговата партнерка и соработничка Гислејн Максвел. За Бенон било запишано дека во 2019 година бил на појадок со Епстин.
- Републиканските конгресмени, кои доминираат во Комитетот, ги обвинија демократите дека селективно објавуваат документи. „Тоа се стари вести. Тажно е како демократите ги кријат документите што ги содржат имињата на демократски функционери. Повторно ја креваат политиката над жртвите“, објавија републиканците, најавувајќи дека наскоро ќе ги објават документите во целост.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
