Вести › Набрзинка

Макрон се разбуди: ЕУ може да умре

4 октомври 2024

На Berlin Global Dialogue францускиот претседател предупреди дека Европската унија би можела да умре затоа што премногу регулира а премалку инвестира.
Ваквиот заклучок е на линија на извештајот кој за Европската комисија го подготви поранешниот италијански премиер Марио Драги а заклучува дека без двојно поголем пакет инвестиции од некогашниот Маршалов план, ЕУ неповратно ќе заостане зад САД и Кина и ќе замине во небитност на светската економска мапа.
„Во следните 2-=3 години, ако продолжиме со стариот модел премногу да регулираме а премалку да инвестираме, ќе исчезнеме о светскиот пазар“, порача Макрон.
Тој ги потсети своите европски колеги и дека Европа веќе не е приоритет за САД:

1 октомври 2026

Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.

1 октомври 2026

Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
Тоа е зголемување од речиси 2.200 проценти.
Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
Толку е веста. Легни.си.