- Во обид да добие доверба од Парламентот, францускиот премиер Себастијан Лекорну најави суспендирање на контроверзните пензиски реформи од 2023 година, со кои возраста за пензионирање беше крената од 62 на 64 години.
- Претседателот Емануел Макрон ги издржа масовните протести, штрајкови и политички притисоци за да ги протурка пензиските реформи надвор од Парламентот, со специјален декрет. Сега мора да се откаже од нив, за да не падне уште една влада, што би го зголемило притисокот да распише предвремени избори.
- „Ќе му предложам на Парламентот да ја суспендираме пензиската реформа до претседателските избори во 2027 година“, објави Лекорну. Пратениците од левичарскиот блок со аплауз ја поздравија оваа одлука, која ја сметаат за своја политичка победа.
- Напуштањето на реформата ќе ја чини Франција 400 милиони евра во 2026 година и уште 1,8 милијарда во 2027 година. Овие средства ќе мора да се надоместат со други кратења во буџетот, предупреди Лекорну.
- Поддршката од левичарите би требало да му овозможи на Лекорну да добие поддршка од мнозинството за буџетот за 2026 година.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
